Angelie's POV
"Mr. Jade Ayen Martin po ba?" tanong ng babaeng nag-check ng pangalan ni Ayen.
Imbis na sagutin ng maayos ni Ayen iba ang ginawa niya. Ipinakita niya na lang ang I.D na suot niya at napatango naman ang babae.
"Sige, beh. Pasok na kayo sa loob," aniya.
Pumasok na kami ni Ayen sa loob at naupo kami sa pinakadulo dahil 'yun na lang din ang bakante. Halos isang daan yata ang mag a-audition dahil ang upuan na 'to ay pang isang daan. Ewan ko na lang kung madadagdagan pa 'to mamaya.
"Ang dami ko pa lang kalaban. Hindi man lang ako nakapag-practice," natatawang sagot ko.
Hindi ako nakakaramdam ng kaba o pamamawis ng palad ko. Mas kinakabahan ako kapag nagiging intimida na si Ayen kesa dito. Sanay na kasi ako na nag a-audition sa mga ganito, noon pa lang. Sinanay kasi ako ng dad
