الحلقه الثامنه عشر(زواج من طرف واحد)

2567 Words

توصل للمشفي ليجد ادهم ومليكه يقابلوهم ليهتف سامي ببتسامه ودوده حين تحرك تجاه ادهم يخبره: حمدالله علي سلامتك يا بني أومأ ادهم ببتسامه يخبر والده ان كل شىء علي ما يرام:الله يسلمك يا بابا تحدث حمزه بحماس قائلاً:يلا بقا يا عم البطل انا مش هفضل شايل المستشفي والشركه كده كتير سامي مقاطعاً:لا متقلقش لا علي المستشفي فا مليكه هتكون موجوده فيها من هنا ورايح **ت ادهم يود لو يعترض ولكن لا يريد ان يزيد الطيب بله معها ليخطي بمساعدتها معهم متجهين للسياره بالخارج. قدمت له مج القهوه تخبره ببتسامه:صباح الخبر تناوله منها حين قربته ليده ليهتف بسعاده:صباح الورد علي احلي من الورد ابتسمت بخجل تخبره: انت رايق بقا ابتسم تيم يخبرها: ومروقش ليه وانتي مراتي ضحكت بخفه تخبره بدلال:ولسه هتروق اكتر قهقهه عالياً يخبرها :تقصدي ايه بقا ندي وراحت تجلس بجانبه تهتف بحزن دفين:تيم انت وعمي عارفين غاده فين صح ابتسم بهدوء يخبرها حين مد يده يمسك بيدها:وحياتك عندي ما اعرف حاجه بس بما ان بابا قالي خليك واثق فيا يبقا اكيد يعرف هي فين وفي هدف انها تختفي كده رفعت يدها تضعها علي كتف تيم تخبره بهدوء:انا عايزه اجي معاك للدكتور النهارده بهتت ابتسامته وابتعد عنها حين سحب يده من يدها واخذ يحتثي مشروبه بهدوء هاتفاً:انا دلوقتي بروح علشان لازم شويه حاجات قبل العمليه مالوش لازمه تكوني موجوده بس انا وعدتك هخدك يوم العمليه صح أومأت ندي بموافقه تؤكد علي صدق حديثه هاتفه: ماشي يا تيم بس لو نسيت انا هزعل منك اووي ابتسم بهدوء وهو يحاول النظر اليها فهو قد سئم من انه كفيف لا يستطيع رؤيتها ليردف:لا مش هنسي يا ندي انسي ازاي يعني عانقت زراعه تضع رأسها علي كتفه لتردف بحب:مش مصدقه نفسي اني بقيت مراتك حاسه اني في حلو بس حلم حلو مش عايزه افوق منو يا تيم امسك يدها التي تلفها حول زراعيه يقبلها بحب قائلاً:متقلقيش يا ندي مش هتفوقي منو هتفضلي باقي عمرك كلو عايشه فيه معايا في ذلك الاثناء قاطعتهم صوت اقدام تنزل علي الدرج لتبتعد عنه بهدوء تجلس بجانبه فقط لتهتف هاجر حين توصلت لهم:كملو كملو علي اساس اني مشوفتش يعني ضحك تيم بينما نظرت له ندي باستحياء تردف: ايه رايحه فين هاجر ببتسامه خبيثه:رايحه فين يعني رايحه الجامعه يا مرات اخويا ضحك تيم وهو يعرف غايه هاجر من ذلك تود اخبارهم انها علمت بموضوع الزواج السري ولكن بطريقه مختلفه ليهتف:الله يبارك فيكي يا هاجر ندي بهدوء:كنت هقولك بس تيم قال ده سر ضحكت هاجر تخبرهم بمداعبه:سر ايه ده البواب عرف قهقهه تيم يخبرها:احنا باين علينا اووي كده هاجر ببتسامه عريضه:امال بس يعني ايه خلاكم تعملو كده تيم بهدوء:هاجر انا بجد مش عايز حد يعرف تمام هاجر بإيماء:ماشي يا عم متزوقش يلا سلام انا بقا كملو الي كنتو فيه هههههههه خرجت هاجر من بينهم لتهتف ندي علي الفور:انت ليه مش عايز حد يعرف يا تيم تيم وابتسم: مش هقدر اقولك السبب دلوقتي كل الي اقدر اقولهولك خليكي واثقه فيا ابتسمت بهدوء تبادله شعوره:حاضر يا تيم واثقه فيك جدا والله ربت علي ظهرها بحنان يجعلها تطمئن قليلاً. صفعه قويه هوت علي وجنتها جعلتها تفقد توازنها ليهتف بغضب:غ*يه مش قولتلك تحطي الخاتم في شنطتها ازاي ملقوش حاجه هتفت الفتاه حين وضعت كفها تتحسس الصفعه:والله العظيم حطيته في شنطتها بس معرفش ايه حصل والله مسح علي وجهه بغضب يخبرها: انا مش عارف انتي غ*يه ولا بتتغابي والله يا سلمي لهفضحك وكل حاجه معايا تخصك انا هنشرها وهخليكي تندمي اسرعت تقبل يده تخبره ببكاء:لا علشان خاطري والله هعملك الي انت عايزه والله يا عابد اصبر بس انا هجرب تاني دفعها بعيداً عنه بتقزز يهتف بضيق:تجربي ايه هي لعبه يا روح امك هتفت ببكاء تخبره:والله انا هعملك الي تقول عليه طيب شوف حاجه تانيه وانا والله هنفذ عابد وتوجه يجلس علي الاريكه بارهاق:لا بقا ما خلاص انا الي عايزه منك اكبر من الي فات واقسم بالله لو ما حصل ما هرحمك سلمي بإيماء: حاضر والله حاضر عابد ووضع ساق فوق الاخري:هتجبيها ليا هنا اتسعت عيناها بذهول تنظر له غير قادره علي الحديث ليهتف هو:انتي مسمعتيش ولا ايه سلمي ببكاء مكتوم:حاضر يا عابد الي تشوفو عابد واعتدل في جلسته:بس وحياه امي لو معرفتي وفشلتي زي المره دي انا هخليكي تندمي اووي سلمي ورفعت وجهه تردف بتعب نفسي:حاضر والله هعمل الي انت عايزه بس متفضحنيش يا عابد علشان خاطري افتكر اي حاجه حلوه عملتها ليك وبلاش تعمل كده ابتسم بشر:ما انتي هتعملي الحلو الي مش هأذيكي علشانه بس البنت تكون هنا يوم الخميس وإلا السهره هتكون عليكي انتي هتفت ب**ره:متقلقش هعمل الي انت عايزه وزياده يا عابد -معرفش يا ابراهيم بس مش هينفع خالص كان هذا ما تشدقت به هاجر حين اخبرها ابراهيم انه يريد صحبتها يوم الخميس الي حفله عيد ميلاد اخته ابراهيم بمحاوله:ليه طيب انا عايز اعرفك علي عيلتي يا هاجر ووعد مش هأخرك والله هاحر بتفكير: مش عارفه بس هقولهم ايه في البيت ابراهيم بهدوء:انا والله ربنا الي يعلم اني مش عايزك تكذبي بس قوليلهم انك رايحه عيد ميلاد صحبتك وانا بعدها والله العظيم ما هخليكي تكذبي خالص وهاجي اتقدملك يا هاجر سعلت بقوه أثر خجلها لتهتف تهم بالدخول للجامعه:انا لازم ادخل دلوقتي نتكلم بعدين بقا ابتسم ابراهيم يودعها:ماشي مع السلامه هبقا اكلمك هاجر ولوحت له بيدها:مع السلامه ساعدته للجلوس علي الفراش تهتف بهدوء:ارتاح وانا هشوف ماما خلصت الاكل ولا لسه علشان هي حالفه تاكل من ايدها النهارده ادهم ببتسامه:نفسي في الاكل الي كنت باكله من ايدك يا مليكه واحشني اووي مليكه وابتسمت تخبره بهدوء:هعملك حاضر بس النهارده هتاكل من ايد ماما علشان هي الي عملت الاكل ادهم وزفر بهدوء:بصي يا مليكه انتي مش مجبوره تفضلي معايا لو عايزه ترجعي بيتك اعملي كده مش عايزك تعملي حاجه غصب عنك انا كويس جلست بجواره تخبره بهدوء:بيت ايه الي ارجعه يا ادهم لتبتسم بسخريه:انا ماليش بيت خلاص بقيت من غيره وان شاءالله او ما تشد حيلك انا هتأجر شقه بره علشان مبقاش بعمل حاجه غصب عني فعلا **ت يجعلها تردف بكل ما بقلبها ليهتف هو اخيراً:اولاً يا مليكه مش هزعل منك لان انا مبقاش من حقي ازعل او اعاتبك علي اي حاجه بس الي هقولهولك انتي لسه مراتي وملازومه مني ثانيا بقا يعني ايه مالكيش بيت امال كنتي قاعده فين الفتره الي فاتت نهضت تهم بالخروج هاتفه:هروح اشوف ماما خلصت الاكل ولا لا بنبره قاسيه كانت قد افتقدتها منذ زمن هتف:مليكه توقفت عن التقدم قائله: نتم يا ادهم ادهم بغضب:ايه الي حصل في ايه استدارت له تخبره بدموعها التي سبقتها:الي حصل ان رائد ابن خالتي ضغط عليا وخد مني البيت وقالي مرجعوش غير وانا معايا ورقه طلاقي منك فضل حابسني في البيت يومين بحالهم اتصلت بيك كتير مردتش ولما قلقت عليك قولتلو يفتح وهعمله كل الي عايزه ووقتها مضاني علي عقد تنازل عن الشقه ورماني في الشارع انهت حديثها واسرعت تركض له وتضع نفسها بين احضانه قائله:كنت خايفه اووي كنت خايفه يا ادهم عانقها بكل قوه لديه حين اغمض عيناه بغضب يحاول السيطره علي نفسه حتي لا يذهب لذلك الا**ق رائد ويرتكب به جريمه ليهتف اخيراً:طول ما انتي مراتي متخافيش من حاجه اوعي يا مليكه ووالله هاخدلك حقك وهعرفه ازاي يعمل مع حرم ادهم الدالي كده ابتعدت عنه تمسك بيده تقبلها بدموعها التي شقت عيناها لغزراتهم:انا تعبت يا ادهم تعبت مبقتش قادره ومش عارفه اعمل ايه لا قلبي راضي يسامحك ولا راضي يكرهك ومن يوم ما سيبتك وانا مشفتش يوم حلو مش عارفه اعمل ايه خايفه الخوف هيموتني ربت علي شعرها بحنان يهتف بهدوء:مش هضغط عليكي يا مليكه والله ما هضغط عليكي في حاجه وكل الي انتي عايزاه يراضيكي هعمله اقسم بالله وكل الي كان سبب في دمعه منك انا همحيه من علي وش الارض حتي لو كان انا في ذلك الاثناء طرق الباب ودلفت منه هيام تحمل صينيه الطعام لتبتسم حين لمحت مليكه تنهض من جانب ادهم تقا**ها لتحمل عنها الصنيه قائله:تعبتي نفسك ليه يا ماما كنتي نادي عليا اجي اخده منك هيام بحنان:لا يا حبيببتي انتي تعبتي مع ادهم اليومين الي فاتو مليكه ببتسامه:ده واحبي يا ماما وادهم جوزي ازاي متعبش معاه يعني ربتت هيام علي كتفها تخبرها بحنان:اصيله يا حبيببتي طالعه لامك يا مليكه في ذلك الاثناء تنحنح سامي يدلف للغرفه وخلفه رغده التي هتفت بحماس:متجمعين عند النبي يا جماعه مليكه ببتسامه:ازيك يا رغده وحشاني خطت رغده لمليكه تحتضنها ليردف سامي بمداعبه:طول عمري اسمع ان السلايف بيبقو عقارب مع بعض لكن انتو الله اكبر عليكو هيام ووكزته في كتفه:بس هتحسدهم وبعدين دول مش سلايف وبس دول اخوات وفوق ده كلو بناتي الحلوين تجمعت سريعاُ افكار مليكه فأين ستجد عائله كهذه فابن خالتها قد عاملها اسوء معامله وهما برغم كل شىء بدر منها او منهم متمسكين بها وبوجودها وسطهم افاقت علي صوت ادهم يناديها لتجد انها بمفردها مع ادهم بالغرفه لتهتف: نعم ادهم وردد:روحتي فين بنادي عليكي من وقت ما خرجو مليكه بهدوء:معلش سرحت شويه قولي كنت عايز حاجه رفع يده المصابه يخبرها ببرائه:مش عارف اكل تقدمت منو تمسك المعلقه وتطعمه بنفسها قائله:متقلقش ان شاءالله هتكون كويس كل انت وحافظ علي نفسك ادهم بهدوء:طول ما انتي موجوده في حياتي هبقا كويس يا مليكه. دلفت للغرفه ببتسامه واسعه تخبر بها زوجها الذي ينام امامها علي الفراش:انا مبسوطه اووي يا حمزه باين ان مليكه وادهم الامور بينهم كويسه فتح عيناه يردف بهدوء:ربنا يهدي سرهم يا رغده كنتي فين رغده وراحت تجلس بجواره قائله:نفسي في ايس كريم فرواله وشكولاته وكريمه ضحك بخفه وهو يعتدل يقبل وحنتها بشوق:حاضر انتي تؤمري رغده ورددت بحماس:بس نخرج ناكله بره ونتعشي بره كمان النهارده حمزه ببتسامه وحاوط كتفها:بس كده رغده بحماس زايد:اه بس كده وتروح معايا بكره عند الدكتوره ابتسم بهدوء يردف متأسفاً:بصي احنا هنخرج النهارده نتعشي وناكل ايس كريم لكن بكره صعب لاني هنزل المستشفي وبعدها هعدي علي الشركه اشوف الوضع فا مش هينفع خالص رغده وابتسمت بهدوء:خلاص يا حبيبي ميجراش حاجه هنخرج امتا بقا جذبها الي داخل الفراش اكثر يهتف وهو يزيل عنها حجابها وزيها الفضفاض: بعد ما نصحي هنام شويه ونصحي نخرج وسطت احضانه بهدوء تردف:ماشي نوم الهنا يا حبيبي لينتهي بينهم الحديث بقبله طبعها حمزه اعلي رأسها وابتسامه عاشقه منها له مستسلمين للنوم علي امل الاستيقاظ وبدأ مغامره جديده. رن هاتفه بينما هو ملقي علي الفراش باهمال يجرب حظه ربما تنام عيناه قليلاً ولكن سبقه القدر حين دق جواله وكأنه يخبره ان لم تعد الراحه جزء من حياته هذا الفتره ليتناوله يهتف بهدوء:الو رددت هي:ايوا يا حبيبي اغمض عيناه بغضب محاولاً السيطره علي ذاته ليردد بضيق:خير يا هنا عايزه ايه هنا بدلال:انا واقفه قدام بيتكم اخرج يلا استقبلني انتفض من مكانه يردف بضيق:بتقولي ايه انتي اتجنني هنا وصرخت به بغضب:معاك عشر دقايق تنزلي فيهم وإلا هطلع علي بيت اهل مراتك واحكيلهم كل حاجه وانك السبب في ان بنتهم مش لاقينها انت فاهم لتغلق الهاتف في وجهه جعله يشتعل غيظاً اسرع بالنزول للأسفل يقترب من البوابه الرئيسيه للمنزل ليهتف حين وجدتها بالفعل تقف بالخارج :انتي ازاي تيجي هنا هنا بانفعال:ايه ومجيش ليه مازن بضيق:انتي هبله ولا بتستهبلي مين انتي علشان تيجي هنا شهقت تخبره بصراخ:والله ايه بقيت خلاص مينفعش اجي هنا ما زمان كنت الي علي الحجر مازن بضيق:اهو انتي قولتي زمان مش دلوقتي ويلا غوري من هنا ومشوفش وشك هنا بتهديد:انا لو مشيت من هنا هطلع علي بيت مراتك وهحكيلهم علي كل حاجه وهخليك تندم اووي والله مازن ودفعها بعيداً يردف: اعلي ما في خيلك اركبيه ولا يهمني ومراتي انا هعرف ازاي اجيبها وهندم كل الي كان ليه علاقه انها تسيبني واولهم انتي متقلقيش دورك مش دلوقتي لوهله شعرت بخوف يخترق قلبها من تهديده ولكنها هتفت:يعني مش خايف اروح اقولهم ابتسم بسخريه:والله تبقي خدمتيني اصلا كنت بفكر اقولهم بس مكنتش عارف اجيبهالهم ازاي هنا وتقدمت تدلف للداخل: ماشي وهدخل لاهلك بالمره اوريهم ورقه جوازنا العرفي في ذلك الوقت صرخت بقوه وهو يسحبها من شعرها حتي ابعدها عن المنزل مسافه ليست قليله ليهتف حين دفعها قاصداً سقوطها ارضاً:اقسم بالله لو هوبتي ناحيه هنا تاني ما هتعرفي هعمل فيكي ايه وعايزه تروحي لاهل غاده تحكيلهم روحي يبقا وفرتي عليا الطريق بس خدي بالك انتي كده بتزودي عقابك عندي اووي هتفت حين نهضت من علي الارض :هتندم يا مازن والله لاندمك مازن ببتسامه ساخره:علي اساس اني مش ندمان دلوقتي راحت تذهب بعيداً عنه بينما تقدم هو من البواب الذي يقف امام البوابه الرئيسيه:الست الي كانت هنا لو جت متدخلش ولو دخلت حسابك هيكون معايا انا فاهم أومأ الاخر بموافقه ليتركه مازن ويخطي للداخل يريد ان يصل لغرفته ويفرغ ما به من طاقه ولكن اوقفه اباه حين هتف:مازن استدار له مازن يحاول التمالك:بابا انا تعبان دلوقتي ومش عايز اتكلم في حاجه تقدم منه سامي يخبره بغضب:وهتفضل حابس نفسك في اوضتك كده زي النسوان ومش هدور علي مراتك صرخ مازن بنفاذ صبر:لا بدور انا مش ساكت ومش هسكت غير لما القيها يا بابا متقلقش سامي وراح يعنفه اكثر:انا الي غلطان اني دلعتكم كده غلطان الي معرفتش اربي رجالتي واحد ارتكب جريمه في حق مراته والتاني خدعها والتالت الله اعلم هو فين دلوقتي ولا مع مين للأسف عندي اربع رجاله بس مطلعش غير راجل واحد ابتسم مازن بسخريه يخبره:التالت تقصد تؤامي الي مستعد يقتلني من الصبح ويدمر حياتي ما كلو بسببك بردو علشان روحت جوزتني واحده هو كان بيحبها مجوزتهاش ليه هو ليه علي الاقل انا في الاول مكانش هيفرق معايا لكن دلوقتي مجرد الفكره بتخليني عايز اقتله انا بيحب مراتي يا بابا غض سامي بصره فهو علي حق بكل ما قاله ليهتف مازن حين اخذ يصعد الدرج:ونبي يا بابا خليني ساكت مش عايزه افتح دفاتر قديمه اتفقلت من زمان وسيبني في الي انا فيه. -انا ده اخري لو انت عايز تكمل وتوصل ليها براحتك لكن انا مش هلعب مع اللورد في حكايه مراته دي ردد الاخر:يا غ*ي دي نقطه ضعفه يعتبر لو بقت في ايدينا اللورد ذات نفسه بقا في ايدينا -لكن سكتها صعبه وانا مش متنازل عن حياتي ردد الاخر:صعبه بس هنطلع منها بكل حاجه وهنكوش علي كل حاجه -طيب انت عندك فكره ده مش بيفارقها لحظه ماشي معاها زي ضلها ردد الاخر:احنا هنخليه هو الي يسلمها لينا بنفسه من غير ما يحس -ازاي يعني ردد الاخر:بكره تعرف -ده لو حصل يبقا ناره هتحرق الكل ردد الاخر:انسي ساعتها هيكون تحت ايدينا مش هيقدر يعمل حاجه دلفت لغرفه اباها الذي ينام بهدوء وتعب بادي علي ملامح وجهه تيقظه قائله:بابا بابا رفع رأسها يردد:نعم يا عليا يا حبيببتي عليا بهدوء:بابا طنط ورد جت بره وبتسأل عليك نهض مسرعه يهتف:مين عليا ورددت بطفوله:طنط ورد يا بابا صاحبه ماما هب واقفاً يخبرها بحده:ومين فتح لها الباب عليا ببرائه:انا مسح علي وجهه بغضب يحزول تمالك اعصابه امامها:ازاي تفتحي الباب لوحدك لاي ان كان لم تجيبه ليزفر هو بضيق حين حملها وولج للخارج ليقابل تلك التي تدعي ورد ويعرف ما سر زيارتها له اليوم ابتسم ببشاشه حين وجدها تجلس بالصالون يبدو ان طفلته تعرف العادات ليهتف:اهلا وسهلا يا انسه ورد شرفتي مدت يدها تصافحه ليصافها هو بعجله من ثم يجلس قائلاً بارتباك:اتفضلي اقعدي عاودت الجلوس تهتف بهدوء وابتسامه جذابه:طبعاً انت متفجأ انا ليه موجوده هنا بس بصراحه اول ما سمعت الي حصل مع حلا مستحملتش وجيت جري علشان خاطر لولي ومدت جديها تحذبها إليه قائله بحزن:صعبانه عليا جداً مد هو الاخر يده يجذبها إليه قائلاً: ليه صعبانه عليكي ما هي مع باباها وان شاءالله قريب هتكون مع مامتها بردو أومأت ببتسامه راجيه ان يحدث ذلك حين هتفت: يا رب يطمنا عليها لتكمل حين رد هو بابتسامه فقط :انا سمعت انك اخدت اجازه في الشغل من غير مرتب لو تحب اساعدك في البيت وترجع للشغل معنديش مشكله انا اجازه الشهر ده ردد حازم بامتنان:لا متشكر جداً بس انا مش هينفع اسيب عليا والبيت لازم اكون موجود ولو علي الفلوس فالحمدالله مستوره ومتشكر جداً ليكي ولاهتمامك رددت الاخري بأسي:حلا صعبانه عليا والله بغض النظر عن اي حاجه حصلت بينا بس مهما كان احنا اخوات و......قاطعها يهتف بضيق:مالوش لزوم الكلام ده دلوقتي انا لو فاكر الي حصل مكنتش هدخلك بيتي واقعد معاكي القاعده دي متقلقيش هتفت بغيظ حين دلف للغرفه دون ان يطرقها: انت ازاي تدخد كده من غير ما تستأذن ردد ببرود:والله بيتي ومراتي براحتي زفرت بضيق حين توجهت للفراش تجلس عليه بضيق تنظره ان يفعل ما يريده ويخرح ولكنها وجدته يتقدم من الفراش هو الاخر ينام بجوارها لتردف:انت بتعمل ايه عدي بلامبالاه:هنام ايه حرام نهضت من جواره بغضب تهتف:تنام فين ان شاءالله دي ببرائه:جنبك اخذت شهيق تخرج زفيراً لكن علي فترات حتي تتمكن من تمالك اعصابها:طيب يلا اخرج يلا نهض من الفراش يتوجهه إليها بغضب يجذبها من زراعيها ويرمي بها علي الفراش بعيون غاضبه لا تبشر بالخير.........

Free reading for new users

Scan code to download app

App Store Google Play

Facebookexpand_more