Napangiti si Kiel nang makitang lumabas si Aryanna. Napakaganda nito sa suot nitong gown. Pinabili pa niya iyon kay Lorraine kaya tiyak na babagay ito rito. Maging ito ay napangiti ngunit bigla silang gulantangin ng malakas na tunog ng kung anumang bagay. Mabilis na tinignan ni Aryanna ang pouch nito at mula roon ay nilabas nito ang cellphone nito. Napailing na lamang siya. Hindi pa rin pala napapalitan ng babae ang cellphone nito.
"Hello, Arriane. Bakit ka napatawag?" Tanong sa kapatid.
"Hello ate. Sina nanay at tatay kasi sabay na nagkasakit. Natatakot ako ate, hindi ko alam ang gagawin ko." Turan ng kapatid.
"Ha! Bakit? Anong nangyari. Okay lang ba sila?" Nag-aalalang tanong rito.
"Oo, si tatay medyo okay-okay pa pero si nanay hindi makatayo. Tinatrangkaso yata." Turan ng kapatid
