Naramdaman ni Sebby ang pagdantay ng palad sa kaniyang balikat. Hindi na niya kailangang lingunin kung kanino ang palad na iyon. Ang kaniyang matalik na kaibigan at itinuring na ring kapatid. Bakas sa mukha nito ang pagkahabag sa kanilang sitwasyon. Maliban sa kanilang pamilya ay ito lang ang nakakaalam sa karamdamang meron sila at mas lalo na kung paano nila ito ginagamot kahit panandalian lamang.
Mahirap mabuhay sa dalawang katauhan. Siya si Sebastian Artajo. Nag-iisang taga pagmana ng hacienda Catarina na hango sa pangalan ng kaniyang lola. Isang doktor at hinahangaan ng lahat, sa estado ng buhay na meron siya. Malusog ngunit unti-unting ginugupo ng sakit na hanggang ngayon ay walang lunas at tanging nagagawa lang nila ay ang pahintuin ang symptomas nito upang hindi tuluyang maapektuha
