SHANE
Maaga akong umalis ng unit ko para sa meet up namin ni Mang Dado. Susunduin niya ako ulit sa plaza saka kami didiretso sa napag-usapang lugar. Sa pribadong silid sa isang Japanese restaurant ang tagpuan. Nakasuot ako ng face mask kaya't hindi rin ako makikilala ng kakatagpuin naming investigator. May excuse din kung bakit ako kasama, ipaiimbestiga ko iyong Darius. Nakakuha ako ng picture niya sa social media account niya. Buti at nakita ko ang account niya sa friends' list ni Tuesday. Darius Albe ang pangala niya. Kailangang malaman ko ang background ng lalaking iyon at bakit niya sinasabing siya ang may-ari ng GDC Building.
Saglit lang akong naghintay sa plaza. Dumating agad si Mang Dado para sunduin ako.
"Good morning ho, Mang Dado," bati ko rito pagsakay ko sa kotse. Nakasuot
