SHANE
Nakaalis na ang bisita ni Gastadora. Nagsabi kasi siyang matutulog na dahil pagod siya at gusto niyang i-enjoy ang rest day niya. Nagpaalam na rin ako para makapagpahinga sa kubo. Nagustuhan ko na rin ang pagtambay doon.
Abala ako sa pagkalikot sa phone ko nang may tumikhim sa bandang likuran ko. Si Gastadora. "Oh, may problema ba?"
"Magpapahangin sana ako rito," tipid na sagot nito.
"We can share." Itinuro ko ang upuan sa tapat.
Mukha siyang nag-alangan pero pumasok din siya sa kubo at naupo sa tapat na upuan. May parisukat na kawayang mesa sa pagitan namin.
"Ngayon lang kita nakitang tumambay dito," sambit nito.
"Marami kasi akong trabaho online, ngayon lang nagka-time magpalipas ng oras." Pinagmasdan ko siya, parang may gumugulo sa isip niya. "May problema ba?"
Nakailang h
