TUESDAY
Nagmamadali kong binaybay mula babaan ng bus hanggang sa boutique habang ipinapanalangin kong wala pang nakakabili ng damit na 'yon. "Babagay tiyak iyon sa summer theme reunion party ng batch namin. Sana naroon pa ang damit."
Lumuwang ang ngiti ko nang mataawan ko ang boutique mula sa malayo. "Here I am, my dress!" Binilisan ko pa ang lakad patungo sa boutique. Unti-unting nawala ang ngiti ko nang mapansin kong iba na ang suot ng manequin sa display. Parang gusto kong basagin ang salamin ng boutique nang mga oras na 'yon. "Where's my dress?"
Nanatili pa akong nakatayo sa labas ng shop habang nakatitig sa bagong suot ng manequin. Ibang bestida na ang naroon at masyado nang common ang kulay, style at design. Green checkered na mukhang pansapin sa mesa ng carinderia ang disenyo nit
