SHANE
Hindi pa rin siya sumasagot o nagre-react sa sinabi ko. Nag-alala ako dahil baka iniisip niyang nang-iinis na naman ako o ano.
"Magpapaalam ako sa parents mo, liligawan kita nang pormal, patutunayan ko sa 'yong seryoso ako sa 'yo."Kumurap-kurap lang siya habang nakatitig din sa mga mata ko.
"Hindi ka pa rin ba naniniwala sa akin?" tanong ko.
"H-hindi naman sa gano'n. Ang bilis mo lang. Nakahawak ka agad sa kamay ko."Ngumiti siya nang alanganin. Agad kong binitiwan ang kamay niya. "I-I'm sorry. Nadala lang ako ng emosyon ko."
"M-maari ka namang manligaw. Patunayan mong malinis ang intensyon mo sa akin,' matapat niyang tugon.
"Salamat! Sisimulan ko na ngayon ang panliligaw ha," paalam ko.
"I-ikaw ang bahala." Lumingon siya sa pinto dahil pumasok na si Mang Dado. Isinara nito a
