SHANE
Ipinakisuyo ko kay Mang Dado na dalhin ang isa sa paper bag na may yellow dress at magkita kami sashop sa Sabado.
"May napupusuan ka na talaga ano, Young Master?" tanong ni Mang Dado habang nagmamaneho. Ibaba niya ako malapit sa kanto ng inuupahan kong unit.
"Interesado pa lang. Mang Dado. Hindi pa ho ako sigurado," sagot ko. Hindi ko pa talaga alam sa ngayon ang nararamdaman ko, pero gusto kong nakikita ko siyang naiinis sa akin.
"Hindi ka pa nagkainteres kahit kaninong babae. Kahit doon sa nirereto sa 'yo ng Papa mo."
"Ayoko sa babaeng walang alam sa buhay," pahayag ko. Hindi ko tipo ang babaeng nakaasa sa pera ng magulang para sa luho. Ayan siguro ang nagustuhan ko kay Tuesday? Iyong ginagastos niya ay galing sa pinaghirapan niya sa trabaho. Hindi ko pa siya narinig manghinga
