TUESDAY
Dumating ang Sabado. Excited akong matapos ang shift ko para makapunta sa boutique at masukatan ng damit para sa summer reunion party ng batch namin sa college. Kailangang magandang- maganda ako sa party na iyon para naman hindi ako magmukhang katawa-tawa.
Naalala ko pa, palagi akong tinutukso noon na manang at old-fashioned. Si Mama kasi ang madalas bumili ng damit ko noon at hindi ako makaangal sa kaniya. Gustong-gusto niya akong binibihisan dahil ako lang ang babae sa aming magkakapatid; ang kaso, iyong mga damit noong kadalagahan pa siya ang gusto niyang ipasuot sa akin. Hinahayaan ko na lang na siya ang mamili ng damit ko dahil iyon lang naman ang magpapasaya kay Mama. Ngayong may trabaho na ako, kaya ko nang bumili ng sarili kong damit at gamit na gusto ko. May will na rin
