"HINDI MAAARI! May nangialam na naman sa pagkain ko. Isang dugong? Hindi ako maaring magkamali. Ang buong akala ko ay nalipol ko na ang lahat ng mga lahi nila. BAKIT?! Bakit may isang buhay na lahi niya? Sino ang dugong na ito? Nakakainis! Argggh!"
Galit na galit ang misteryosong Kataw sa kaniyang nasaksihan. Nakaligtas ang kaniyang pain. Nailigtas ang mangingisda. Hindi siya nagtagumpay sa kaniyang pakay na makakain na naman ng puso ng tao.
Isang dugong ang tumulong sa ito upang hindi lamunin ni kamatayan sa ilalim ng dagat. Isang dugong na hindi pamilyar sa kaniya. Isang dugong na wala siyang alam na nabubuhay pa.
Ang buong akala niya ay nasupil na niya ang lahat ng pamilya ng isa sa pinakamalakas na Bantay-Tubig - ang Dugong. Isa ito sa mga inalagaan ng diyosa upang maging tagapagba
