Ilang oras bago ang pagkikita nina Aquarius at Erielle at bago mangyari ang paglitaw ng buhawi sa dagat ay nakipagkita na si Sereyna kay Siri.
Kasalukuyang naghahanap ng makakain si Siri nang mga oras na iyon nang makaramdam siya ng kakaibang enerhiya sa paligid. At hindi nga siya nagkamaling may isang nilalang sa paligid niya, lumingon at tumingin siya karagatan. Isang imahe ng taong nasa anyong tubig ang naglalakad papalapit sa kaniya.
Inihanda ni Siri ang kaniyang sarili sa panganib. Ang islang pinagtataguan nila ay walang sino mang nakaaalam kaya ganoon na lamang ang pagtataka niya sa hindi inaasahang bisita niya.
Habang palapit nang palapit ito ay unti-unting nasisilayan ni Siri ang pigura ng naglalakad sa kaniyang direksyon. Lumitaw ang mga paa nito mula sa mala-kristal na tubig
