KEYCEE's POV
Nagsimula nang magbulungan ang mga kaklase ko. Parang hindi sila makapaniwala na alam ko na ang sagot. Ang iba naman sinasabi na kapag daw tama ako, magkakaroon daw ulit ako ng plus ten kahit na hindi ko naman na raw kailangan 'yon.
"Hoy Keycee," tawag sa 'kin ni Christia, "dati kahit pasang-awa masaya ka na. Aba, ngayon pati plus ten gusto mong kamkamin? Sumobra ka naman yata sa pagkagahaman!" pang-aasar niya sa 'kin.
"Oo nga! Ipaubaya mo na samin 'yan! Naka sixty-three ka na nga, e!" Ryza agreed.
Kita niyo? Mga kaibigan ko 'yan, na sa halip na suportahan ako, sila pa ang unang nang-uusig sa 'kin.
"Kasalanan ko bang alam ko ang sagot?" natatawa kong ganti sa dalawa.
Nang magsimula na ring magbulungan ang ilan ko pang mga kaklase ay sinaway agad sila ni Ace, kaya wala si
