"Kamusta ang pagpasyal mo sa pinsan mo, Shayna?"
Napalingon siya kay Kaia na nakatingin sa kanya habang naghihiwa ito ng litsong manok na siyang ulam nila para sa hapunan.
"Ah, Ma'am Kaia, ayos naman po. Nagpunta po kami sa mall para bumili ng mga bagong damit at kaunting pagkain na ipapasalubong ng pinsan kong si Mely sa pamilya ko. Naipadala ko na rin po sa kanila ang sahod ko."
Tumango-tango siya sa akin.
"May natira naman ba sa sahod mo, Shayna? Baka naman ipinadala mo na naman lahat ang sahod mo sa pamilya mo." Nakangiti man ngunit ramdam ni Shayna na hindi sang-ayon ang kanyang Ma'am Kaia na ipinapadala niya ang buong sahod niya sa probinsiya.
"Meron pa naman po kahit papano, Ma'am. Iniipon ko po para sa pag-eenrol ng kapatid ko sa college," nahihiyang sagot ni Shayna.
"Kai
