Diana
Paglipas pa ng mga linggo at buwan ay parang nasasanay na rin ako sa mga nararamdaman ko sa katawan ko.
Napatitig ako sa sarili ko sa harap ng salamin dito sa loob ng banyo ng silid ko.
Parang namamaga at nangingitim ang palibot ng mga mata ko. Bumagsak din ang katawan ko dahil sa hirap ko sa paglilihi. Wala akong matipuhan na kahit anong pagkain na masarap kainin. Kung meron man ay isinusuka ko lang din naman.
Napahinga ako ng malalim. Kailan kaya matatapos ang nararamdaman kong ito? Mahigit tatlong buwan na akong ganito.
Hindi naman ako pinababayaan ni Dexter pero ayaw naman sumunod ng katawan ko.
Bumaba ang paningin ko sa katawan ko at napatitig ako sa magkabila kong dibdib. Wala akong anumang saplot sa katawan dahil plano kong maligo bago ako matulog. Katatapos lang nami
