Diana
"F-Francis, no."
Pilit kong binaklas ang braso ko mula sa mahigpit niyang pagkakahawak habang hinihila niya ako palabas ng silid ni tita Frances at dinala sa dulong bahagi ng hallway kung saan ilang mga silid pa ang naroroon.
Parang nahihimigan ko na ang ibig niyang sabihin. Walang nagawa si tita Frances para pigilan siya.
"You don't have to lie to me anymore, Diana. Alam ko na kung sino ang nagpadukot sa iyo at baka nga kasama ka pa sa planong 'yon ng hayop mong kaibigan kaya naman pinagtatakpan mo pa siya sa akin!"
Napanganga ako sa sinabi niyang 'yon. Alam na niya?!
Mabilis niyang binuksan ang pinto ng pinakadulong silid at pakaladkad niya akong ipinasok sa loob. Isang guest room ang bumungad sa akin.
"Francis, nagkakamali ka. Pakinggan mo muna ako."
"Huwag mo na akong bi
