Diana
Buong oras akong nakatulala habang binabalikan sa isipan ko ang mga bagay na natuklasan ko mula kay tita Frances. Nakabalik na kami ng hotel at kasalukuyan ko nang pinadidede si Jr. dito sa ibabaw ng kama.
Naging aburido siya kanina kaya minabuti na naming umuwi na muna sandali.
Hindi lang ako makapaniwala sa mga sinabi sa akin ni tita. Parang nararamdaman ko rin ang sakit na nararamdaman niya, kung paano lokohin ng sarili niyang asawa, lalo na sa gano'ng kabigat at kakumplikadong bagay.
Napalingon ako kay Dexter na kalalabas lang ng banyo at bagong paligo na. Isa pa ito, kanina pa niya ako parang iniiwasan at hindi sinasagot ang mga tanong ko.
"Maliligo ka ba?" tanong niya habang nagpupunas siya ng basang-basa pa niyang buhok.
Nakatapis lang siya ng puting tuwalya sa ibabang
