Diana
Mabilis akong bumaba sa kusina at kumain. Nakapagluto naman na ako kanina ng almusal habang natutulog pa si Jr. Topsilog na pinaghalo-halo ko na para isahang subo na lang.
Ganito kadalasan ang menu ko para mas mabilis at minus sa oras.
Hindi ko na tatanungin pa kung kumain na ba ang Delavega na 'yon. Sigurado namang nakakain na siya. Kung ako nga, hindi rin naman niya tinatanong o inaalala man lang. Hmp!
Mga dalawang minuto lang ang itinagal ko sa pagkain.
Matapos ay inihanda ko na rin ang breakfast cereal ni Jr. at purified water na inilagay ko sa dalawang feeding bottle. Ito na ang babaunin namin sa pag-alis. Baka kasi abutin kami ng gabi o maaaring sa hotel na rin kami mamaya mag-stay.
Dipende kung ano na naman ang magiging desisyon ng Delavega na 'yon.
Kaagad na rin ako
