Diana
Mabilis akong bumalik sa loob ng silid ko.
Inihagis kong muli sa ibabaw ng kama ang mga bulaklak at chocolates. Muli ko ring hinila ang lintik na teddy bear niya papasok sa loob pero ibinalya ko lang ito sa isang tabi at hindi na ibinalik pa sa kama.
Kaagad akong pumasok sa loob ng banyo at nag-toothbrush ng mga ngipin ko. Halos mamuti na ang mga ito sa tindi nang pagkakakuskos ko. Pagkatapos ay nag-mouthwash na rin ako.
Lintik siya, huwag lang siyang lalapit-lapit sa akin.
Matapos ay muli akong lumabas ng banyo. Nagpalakad-lakad ako sa loob ng silid ko at nag-isip ng maaari kong gawin.
Pero sino ba talaga 'yong babae na 'yon? Ngayon ko pa lang yata siya nakitang lumapit sa ibang babae. May pahawak-hawak pa siya sa baywang.
Hindi kaya pinagseselos niya lang ako? Imposible nama
