"HEY CAP!"
Napatigil siya sa paglalakad nang marinig ang pagtawag sa kanya ni Revin. Malawak ang ngiting lumapit sa kanya ang kaibigan.
"Kuntodo porma tayo ah." Akmang aayusin nito ang kwelyo ng suot niyang pulang polo ngunit mabilis niyang tinabig ang kamay nito.
"Huwag mong ihahawak sakin iyang kamay mong humawak ng kung sinu-sinong babae."
"Wow arte!" anito at walang sabi-sabi ay natatawang itinakip sa mukha niya ang mga palad nito.
Napangiwi siya nang maamoy ang iba't-ibang pambabaeng pabango sa kamay nito. "How gross." Nanggigigil na sinikmuraan niya ito. "Damn you! Hayop ka talaga!"
"Oh ano? Aangal ka pa ha?" tumatawang tanong nito. "Bilib na ako kay Syhnie kung maaamoy pa niya iyan."
"Damn you!" naiinis na dinukot niya ang panyo sa bulsa at pinunasan ang mukha.
"Anyway, saan
