"COME on," nakangiting iniabot sa kanya ni Joru ang kamay nito nang pagbuksan siya nito ng pinto.
Nanlalamig at nanginginig ang mga palad na inabot niya iyon nang lumabas siya ng sasakyan nito.
"Where are we?" kinakabahang tanong niya rito at bahagyang ikinalat ang tingin sa paligid. Ang paligid ay punung-puno ng mga naggagandahang mga halaman at bulaklak. Napakaganda ng pagkakalandscape niyon lalo na at nadedisenyuhan ang mga iyon ng mga ilaw. Nang pagmasdan niya ang malaki at magarang bahay na nasa harap ay umawang ang labi niya. The walls are made up of glasses.
"Sa bahay namin. Halika na."
Lalo siyang napamaang sa narinig. Nasaan daw sila? Sa bahay ng mga ito? Bigla siyang inatake ng takot sa ideyang nandoon ang parents nito. Hindi pa yata siya handang makilala ang parents nito. I
