DUX
MULA nang dumating ako dito sa isang mamahaling bar at isa sa mga tambayan naming magkakaibigan noon, galing sa book store kung saan ko sinundan sina Blessy at Izaak, hindi na ako mapakali. Hindi ko na kasi kinaya ang makita sila na magkasama. Kaya niyaya ko si Meluard na umalis na lang pagkatila ng ulan. Baka kung ano pa ang magawa ko na hindi maganda sa Izaak na iyon kung tumagal pa ako.
“D*mn, self!” Sunod-sunod na tinungga ko ang alak na laman ng baso dahil sa frustration na nararamdaman ko sa mga sandaling ito. Feeling ko ay isa akong talunan. Naiinis ako dahil ngayon lang ako nagkaganito sa isang babae.
Hindi ko na nga matandaan kung ilang beses ko nang minura ang sarili ko dahil sa ka-torpe-han ko.
Mayamaya ay nagsalin uli ako ng alak sa baso. Pabagsak na inilapag ko uli an
