BLESSY
ANG akala ko, nakalimutan na ni Kuya Dux ang tungkol kay Izaak kaya kumalma siya. But I was wrong. Dahil pagkapasok na pagkapasok, iyon agad ang bungad niya sa akin.
“So, sino nga uli ang lalaki na iyon? Bakit kayo magkakilala at magkasama? As far as I remember, puro exclusive for girls ang school at dorm mo,” tanong niya nang maisara niya ang pinto.
Tuloy-tuloy naman akong pumasok sa loob. Iniisip ko na kung ngayon na lang uli siya nakabalik dito, ibig sabihin, baka nasa banyo pa rin ang panty ko. Kailangan ko siyang unahan bago pa man niya iyon makita.
“Hindi ba’t kabilin-bilinan ko rin sa’yo na huwag kang makipagkilala sa kahit sinong lalaki? Tapos isang marino pa talaga,” patuloy na litaniya ni Kuya Dux pero hindi ko siya gaanong pinapansin. Mamaya ko na lutasin ang galit ni
