BLESSY
“WHERE you going?” takang tanong ni Kuya Dux nang umalis ako mula sa pagkakasandal sa windscreen ng kotse niya.
“Uwi na po tayo, Kuya. Baka kasi hinahanap na ako ni Heaven, eh,” sagot ko sabay baba sa hood at nauna nang naglakad. “Baka hinahanap na rin tayo ni Dad.” Huminto ako sa paglalakad para balikan siya nang maalalang may sasakyan nga pala siya.
“Akala ko maglalakad ka lang, eh,” natatawang saad niya nang mapansin din ang ginawa ko.
Pasimpleng nakagat ko ang aking labi. Medyo wala talaga ako sa sarili ko ngayon. Hanggang ngayon kasi iniisip ko pa rin kung ano ba talaga ang sinabi niya kanina bago may dumaan na helicopter. Alam ko na meron talaga siyang sinabi dahil parang may naulinigan ako. Bakit kaya ayaw niyang sabihin sa akin ang totoo?
At bakit kaya pinoproblema mo
