BLESSY
KANINA pa ang panay silip ko sa cellphone ko. Nagtataka kasi ako kung bakit hanggang ngayon, hindi pa rin ako tinatawagan ni Kuya Dux. Ni hindi man lang siya nag-reply sa text ko sa kaniya kahapon nang magsabi ako na pupunta sa book store. Kahit emoji lang, wala talagang reply. Buti hindi kami na-stranded ni Izaak dahil tumila na ang ulan bago pa man kami umuwi.
Lihim akong napasimangot. Bakit kaya? Umuwi na kaya siya sa Bulacan na hindi man lang nagpaalam sa akin?
Alam ko naman na wala akong karapatang mag-demand. Pero naninibago lang ako na hindi siya nagpaparamdam. Samantalang dati, maya’t maya ang text o tawag niya sa akin para kumustahin ako. Kahit nga noong nasa Bulacana pa lang ako.
“Ano bang meron diyan sa cellphone mo at panay ang silip mo? Baka mamaya, mabasa pa ‘yan,
