Nang marating nila ang kanto kung saan siya palaging hinahatid ni Alexander ay nagpababa siya rito. "D-Dito na lang ako," mahinang sabi niya.
Tahimik lang si Xander at hindi nito itinigil ang pagpapatakbo sa sasakyan nito. Humawak siya nang mahigpit sa baywang nito para kunin ang pansin nito, inaakala niyang hindi siya naririnig nito. "Just drop me in here," may kalakasan ang boses na sabi niya sa binata.
"Ihahatid kita sa bakuran ng bahay n'yo mismo."
"Pero... m-magagalit si Daddy kapag makikita niya tayong magkakasama. G-Gabi pa naman at—"
"At ayaw kong mapahamak ka pa ulit. Don't worry, kaya kong saluhin ang galit ng ama mo sa 'kin ngayon, basta masisiguro ko lang na makakauwi kang ligtas," putol ni Xander sa sinabi niya.
Mahina siyang napabuga ng hangin, wala siyang magagawa para
