Bago ko pa siya mahuli ay mabilis na siyang tumakbo patungo ng kanyang silid. Mula sa labas ng pintuan ay dinig na dinig ko pa ang malakas niyang halakhak. Hindi na naman kasi ako nakaganti sa pang-aasar na ibinabato niya sa akin. Palagi na lang akong talunan, bagay na marahas na ikinaikot ng aking mga mata sabay pulot ng aking mga damit na nagawang bitawan ni Ate bago pa tumakas sa akin.
“Umamin ka na kasi Summer, na nasasaktan ka kapag nababaling ang atensyon ni Winter sa iba lalo na sa akin.” sungaw na nito sa maliit na siwang ng kanyang pintuan habang dumidila na sa akin, iritable ko siyang inirapan. Malakas pa siyang humalakhak nang dahil doon. Ginigigil niya talaga ako ngayon. “Sige, ikaw rin naman ang mawawalan at hindi ako. Ikaw ang masasaktan sa bandang dulo at hindi ako sa kaka-
