Mabilis ang ginawang pagbaling ni Ate sa akin. Tinitigan niya ako habang hinihila ko siya pabalik ng aming inuukopang lamesa. Pakiramdam ko ay nagawan ko siya ng napakalaking pabor na hindi kayang palitan at mabili kahit na anong halaga, lalo na ng pera. At nagbigay na iyon sa akin ng napakagaang pakiramdam ngayon. Animo marami akong nagawang tama na nagbalik sa aming relasyon kagaya ng dati. Walang halong pagkukunwari na ang aking mga ngiti.
“Sure ka ba diyan, Summer? Akala ko ba ay uwing-uwi ka na at inaantok ka na? Hindi ka pa sanay na magpuyat.” natatawa na niyang tanong na alam kong may nabubuo ng kung anumang hinala sa pagbabagao ng naging desisyon ko, hindi ko na siya pinansin. Hindi ko sasabihin sa kanya kung bakit. Bahala na siyang manghula kung ano ang dahilan ko dito hanggang k
