Ilang beses ko pang sinulyapan si Sky sa aking harapan na tahimik na hinahalo at pinalalamig ang pagkain na kanyang in-order. Nasa sikat kaming pansiteria na matatagpuan sa pusod ng aming bayan. Ilang beses na sumagi pa sa aking magulong isipan ang hitsura ni Winter kanina. Hindi ko iyon magawang makalimutan. Nakakaramdam na ako ng awa dito kahit na hindi naman dapat. Alam kong kasalanan ko iyon, hindi ko siya pinakinggang sa sasabihin. Para tuloy gusto kong pagsisihan ang aking mga sinabi at ginawa sa kanya doon kanina.
Sana ay pumayag na lang ako na mag-usap kaming dalawa kanina at hindi na nag-rason. Siguro ay may nais lang talaga siyang sabihin. At hindi ko iyon malalaman dahil ni-reject ko.
"Busog ka ba? Bakit hindi mo pa hinahalo at sinisimulang kainin iyang pagkain mo?" tanong ni
