Malalaki na ang aking naging hakbang matapos kong walang pag-aalinlangang itulak ang pintuang yari sa salamin upang tuluyan nang pumasok sa loob nito. Deretso lang ang aking tingin sa banda ni Winter na nakatalikod sa akin at nakaharap sa hilera ng mga estante ng nasabing convinience store na nasa may gilid ng mga chiller ng iba’t-ibang uri ng drinks. Kuryuso pa rin ang aking mga mata sa kung ano ang bibilhin niya.
“Ano bang mga bibilhin mo, Winter?” tanong ko na ilang minuto nang nakatayo sa gilid niya at pinagmamasdan kung ano ang mga pagkaing kanyang tangan, may yakult, may ilang piraso ng gatorade, at mayroong mga biscuits din doon. Mabilis ang ginawa niyang paglingon sa akin nang marinig ang aking tinig at maramdaman ang aking presensiya sa gilid niya. Kulang na lang ay mabitawan niy
