Hindi na ako muling pinansin ni Ate mula ng araw na iyon, at bilang aking ganti ay hindi ko rin siya pinansin. Matira sa amin ang matibay. Pataasan ng kilay kumbaga. Hindi ko naman kasalanan na walang partner ang fiancee niya. Iyon ang mas ikinakainit ng aking ulo. Sa akin niya isinisisi ang mga bagay na wala naman akong pakialam. Sa harapan ng aming mga magulang ay pinapalabas naming magkasundo at maayos lang kami, subalit pagtalikod nila ay parang hindi kami magkakilalang dalawa. Lalo na kapag nasa school kami, ni tingnan ay hindi ko ginagawa sa kanya. Naiinis pa rin ako dahil parang ako pa ang sinisisi niya sa lahat ng mga hindi kaaya-ayang bagay na nangyayari sa pagitan nila ni Winter. Kung ako naman ang tunay na fiancee noon, responsibility ko talaga siya. Pero hindi eh, siya iyon per
