Naging dilat na naman ang aking mga mata buong magdamag nang dahil sa naging usapan namin nina Mommy at Daddy. Hindi ako patulugin ng isiping baka itakda nila ako kay Sky, bagay na hindi pa ako handang mangyari at harapin na ito nang mag-isa. Panay ang sulyap ko sa screen ng aking cellphone, hindi maintindihan ang aking sarili kung naghihintay ba ako ng text ni Winter gayong hindi ko naman sinagot ang text niya kanina. Hinayaan kong naka-seen lang ito at maging ang chat niya sa Whoseapp. Mabuti na lang ay Friday na iyon, huling araw sa linggo na mayroon kaming pasok.
“Ate Autumn!” tawag ko sa aking kapatid na halatang kagaya ko ay nangangalumata rin, halatang hindi rin siya nakatulog nang maayos nang nagdaang magdamag kagabi.
Hindi niya ako pinansin, hinintay niya ako sa labas ng g
