Sydney's Point of View
DAHIL sa madaling araw na akong nakauwi sa mansyon ay late na akong nagising kinabukasan; 8:35 AM na nang mapatingin ako sa alarm clock ko, hindi ko na namalayan pa ang pagtunog nito dahil sa sarap ng tulog ko. Gayunpaman ay binilisan ko na lang ang kilos ko nang magising ako. Matapos maligo at magbihis ay bumaba na ako ng kuwarto habang sukbit ang school bag ko.
“Oh, hija, tinanghali ka na yata. Mula kanina pa kita ginigising pero tanging ungol lang ang isinagot mo sa akin, akala ko nga ay masama ang pakiramdam mo. Papasok ka na ba?” agad na bungad sa akin ni Nana nang makita ako.
“Opo, Nana, papasok na po, doon na lang po kakain sa school ng agahan. Si Mang Mero po?”
“Ayon, pinagdilig ko na lang ng mga halaman sa garden dahil akala ko ay hindi ka papasok. Aalis
