UMAGA na, maliwanag na sa loob ng kuwarto dahil sa sikat ng araw na nagmumula sa bintana na natatakpan ng kurtina.
Nakatingin lang ako kay Ate Catrine na malalim pa rin ang tulog. Hindi ko mapigilan ang mapasimagot habang nakatitig sa kanya. Hindi ako nakatulog ng mabuti kagabi, hindi ko alam na ang likot pala nitong matulog kapag lasing; nasipa ba naman ako ng dalawang beses kagabi, at pati mukha ko ay natamaan ng kanyang kamay; para akong nasampal nang malakas sa totoo lang, hanggang ngayon ay parang ramdam ko pa rin ang konting sakit sa panga ko. Talagang kinabahan ako sa kanyang biglang pagdating kagabi, akala ko talaga ay mahuhuli na kami ni kuya.
Naalis lang ang pagtitig ko kay Ate Catrine nang biglang nag-ring ang phone ko. Akala ko ay may tumawag, pero nang makita kung bakit nag-
