"ABBYGALE!" nagising siya sa malakas na tinig ng Mama niya. Pupungas-pungas pa siya ng bumangon at buksan ang pinto.
"Bakit po?"
"Ay, ano ba naman klaseng tanong 'yan? Ngayon na ang kasal ni Panyang, hindi ba? Mag-aalas siyete na tulog ka pa." anang Mama niya.
Naupo siya sa gilid ng kama. Napasarap yata ang tulog niya. Mayamaya ay nag-inat siya, bigla ay dumako ang paningin niya sa naka-hanger na damit pang-abay niya na kulay asul at may touch of silver. Iyon din ang color motif ng kasal nito.
"Pare!" narinig niyang malakas na tawag ni Victor sa kanya.
"Nandito si Victor, at gising na rin." Ang Mama niya ang sumagot dito. Siya naman ang binalingan ng Ina pagkatapos. "Kumilos ka na riyan at kanina ka pa hinihintay n'yan. Alas-sais pa lang yata ng dumating 'yan dito. Excited eh, daig pa
