HINDI NIYA alam kung namamalikmata lang ba siya o nananaginip sa nakikita niya. Is it really Abby? Ilang beses pa niyang kinurap ang mga mata, baka sakaling bumalik sa dati ang Abby na nasa harapan niya. Pero ganoon pa rin. Isang Abby na nakadamit pambabae. Ang bestfriend niya na noon ay mas lalaki pa sa kanyang magdamit, ay heto sa harapan niya. Naka-bestida, flat shoes, may make-up at nakalugay ang buhok. Noon lang din niya napansin na mahaba pala ang buhok nito.
Bigla ay naalala ni Victor ang larawan nito na si Humphrey ang kumuha. Wala rin itong suot na baseball cap sa picture. At kahit wala itong make up doon, maganda pa rin ito.
"O? bakit hindi ka na nakapagsalita diyan?" narinig niyang tanong ni Dingdong.
Iyon ang nagpabalik sa kanyang kamalayan. Saka lang niya napansin na sa kan
