"Day ang ganda mo sa ayos mo ha," anang ng baklang nag-aayos sa kanya. Ito kasi ang gabi ng engagement nila ng kasintahan. Habang nakatingin sa salamin ay hindi mapigilang mapangiti.
"Dapat lang baka hindi kita bayaran kong hindi ako ang pinakamaganda," mataray na turan sa bakla.
"Naku 'day. Ikaw na ang reyna ng gabi," kilig na dagdag nito.
Nang pumasok si Pitchie sa kanyang kuwarto. "Naku Panyang ha. Marami ka nang utang sa akin," maktol nito. Kumunot ang noo niya.
"Anong utang 'yan? Wala akong maalala ah, 'yong candy na biningwit ko sa lamesa mo bayad na," natatawang sambit sa kaibigan kasi naalalang ang kindeng iyon ang pinambato kay Xian ng nakitang nakangangang nakatulog.
Lumapit si Pitchie at bumulong sa kanya. "Girl, 'yong pangako mo. Ito na kayo na ni bossing. 'Yong fried
