CHAPTER SIXTEEN: Our Dirty Deepest Secret
Maraming dumalo sa naging burol ni Sam. Mga katrabaho, malalapit na kaibigan at pamilya niya ang naroon upang siya ay makita sa huli niyang hantungan. Gagawing tatlong araw lang ang burol ayon na rin sa ina ni Sam. Ayaw na kasi nitong makita nang matagal ang anak na nakahimlay sa kabaong na lubos na nagpapahirap sa kanya.
Kasalukuyang naka-burol ang katawan ni Sam sa chapel na malapit sa bahay ng kanyang ina. Bandang alas-sais na nang makarating sa burol si Jess kasama ang kanyang asawa na si Luke. Pinaiwan muna si Stef sa kanyang lola para mabantayan habang wala sila.
Bumungad sa kanilang pagdating ang ina ni Sam. Malungkot ang mukha nito pero nagagawa pa ring ngumiti kahit papaano.
