Sinubukan kong huminga ng malalim dahil sa hindi ko maintindihang nararamdaman. Ang lahat sa buhay ko ay biglang nagbago. May asawa na ko--Si Matteo De Silva pa! At kasalukuyan siyang nagmamaneho na kasama ako. Sa totoo lang, hindi pa rin ako makapaniwala. Pero sabi nga kanina ni Ate Manilyn, maraming gustong pumalit sa pwesto ko. Ang alin, ang maging asawa ni Matteo De Silva sa loob ng limang buwan?
Bumagsak ang balikat ko nang balikan ko ang kasunduang gusto niya. Limang buwan? Para palipasin ang isyu sa amin. Nakakatawa parang showbiz lang e. Napapatitig ako sa labas ng bintana. Sa tingin ko ay palabas kami ng syudad. Pero kung palabas ng syudad ibig sabihin hindi kami uuwi sa mansyon? Kinabahan ako bigla. Saan kami pupunta? Pasimple kong sinilip si Sir Matteo habang nagmamaneho. Pinir
