في طرفة عين

سهام الماضي

في طرفة عين

بارت 20

نورا ناصر

بس سمعت اسمه اشمئزااززز مو طبيعي

بس اريد اجاري اريد اوصل الفرات

كتله يااا أهلاا

بس بگلبي لا هله

هااا شونج

نحمد الله

ممم متوقعتج راح تخلين رقمج يمنه.

صارت بعد.

هالايام وين مااوين

شتقصد

يعني شون عايشه منو يصرف عليج

مدبريها ماشي الحال

عندي الج شغل تشتغلين

وين؟ !!

يمي بالمقر بعد وين

اي بس اني معندي شهاده خلك ثالث متوسط شراح تشغلني.

ههههه يمعوده برلمانيين ماعدهم شهادات وصلوا للبرلمان شتحجين انت ماكو شي يصعب علينا وبعدين شغلج خفيف لتهتمين المهم اريدج كبال عيني

شون يعني. ؟؟

تعاي للمقر على فرغتج ويصير خير.

ماشي اجي ليش لا.

اني راح اكون بالانتظار.

سديته ورحت للهول ام بنين وحنونه كاعدات كعدت يمهم بس اباوع لام بنين بعيون محتاره وهي حست عليه.

كالت لحنين متكومين تنامين باجر وراج دوام.

اي ماما رايحه انام تصبحون على خير.

ام بنين: خير اكو شي؟ ؟!!

نادين: زياد

منو هذا

اخو فرات نسيتي حجيتلج عنه.

اي مو هذا الي اخذ منج الاملاك شبي

خابرني

متحجين شنو يريد؟ ؟

يكول عنده شغل الي.

يااا وانت اكيد رفضتي؟ ؟

لا كتله امر عليك

يااشبيج ندى تخبلتيييي عوفيهم يمعوده لاتندكين بيهم انت مووو كدهم اعقلي عاد هو انت ناقصه متشوفين البلاوي دتوكع على راسج وحده وره الثانيه

المبلل ميخاف من المطر شنو يريد يسويلي اني خالص واكعه واكعه.

المن تردين توصلين؟ ؟

بس اشوف فرات احاجي اعرف اخباره صدك نساني لو بعد ميريدني؟ بس اريد اطفي النار الي بقلبي.

وبعدين؟ ؟

اخذ ياسر وانهزم اطلع من العراق كوووله حالي حال الناس الي جاي تهاجر.

شون راح تاخذينه هو بعده قاصر وانت حتى بالجنسيه موو امه وميصير يسافر بدون موافقه من ابو ؟؟

احاجي رجل انهار يسويلي صرفه وي هالموضوع.

ندى اهل فرات عوفيهم لعيون ياسر عوفيهم ذول ناس متشبعه بالشر وميهمهم خاصة زوجته متشوفيها شون دزت جماعه يصكونكم؟ ؟

اشوف زياد وبعد ماادري شنو راح يصير بس امانه ام بنين امانه ديري بالج على ياسر امانه عندج فدوه اذا صار عليه اي شي سلمي لانهار فدوه لاتنطينه لابو يضيعه والله يدمره.

لتخافين حبيبتي مراح يصير عليج شي.

بس اشوف فرات واحاجي واخلص اخلي يطلكني واطلع منا.

ممرتاحه لهالشغله ياندى ممرتاحه.

لعد اني مرتاحه بس شسوي كتلج اني واكعه وانتظر احد ينتشلني من الي اني بي.

اسم الله عليج ياعمري الله موجود.

والنعم بالله اني اروح انام وباجر ياسر يبقى يمج اروح الزياد واشوف شراح يصير.

نامي وفكري زين قبل لاتتخذين اي قرار ماشي.

اي اكيد تصبحين على خير

وانت بخير.

دخلت للغرفه شفت ياسر يتحرك رحت يمه كتله هاا حبيبي تريد شي اجيبلك مي تشرب

كال وهو نعسان اي.

جبتله مي ونام.

وبقيت اني اتگلب بالفراش افكر واحس روحي بدوامه مراح اطلع منها اباوع الياسر لازم اوفرله مكان أّمِن.

نمت والصبح كعدت وحضرت نفسي ياسر بعده نايم وام بنين كاعده وصيتها عليه مره ثانيه وطلعت.

لبسي جان محتشم وخليت شال على راسي ادري بزياد نظراته قذره طول الطريق واني اكول ياربي لاتحسبها عليه خيانه الفرات دتعامل ويه عدوه اني واتمنى فرات اذا عرف يسامحني لان اني اريد اوصل اله.

وصلت للمقر دخلوني للتفتيش وبعدها جوه كعدت انتظر حد ما صاحوا عليه تعالي يريدج استاذ زياد.

فتت للغرفة مالته جان كاعد وره المكتب من شافني گام

هلا والله نورتي هلا بالزين كله.

كوه نطقت هله بيك.

اشرلي اكعد وكعدت وكعد كبالي مخلي رجل على رجل كال تشربين شي اممم نادوو تسمحيلي ادلعج اكولج نادوو.

فتحت عيوني عليه وكلت شكد وقح وصلف.

كتله لا اني ام ياسر ياريت تصيحني هيج.

لالا ام ياسر شنو محلو عليج انت بعدج زغيره اني اصيحلج نادين اسمج كلش حلو بي لحن.

تن*دت بانزعاج كتله اي استاذ زياد مو مهم الاسم هسه شنو تريد مني.

اني شنو اريد منج.

ههههههه طكهه ضحكه باستهزاء اشايف*ني حتى اريد منج اني اريد اساعدج اوكف وياج.

فرات شلونه؟ ؟

هففف بعدج على هالسيره مو كتلج خلص فرات نساج وملتهي وي مرته وابنه انت شوكت تنسينه. ؟؟

بس اني زوجته و الاولى همات شون انسى.

امم كتيلي زوجته الاولى اكدر اعرف ليش اخفاج ومخليج بالظل وبس هديل الي بالواجهه هي اني كدامج متزوج اثنين واثنينهم ماكو فرق بينهم عندي.

انقهرت كوه حبست دموعي واثر بيه كلامه لدرجه حسيته فعلا صحيح. كتله اريد اشوفه مرايده شي

تمام بس مو هسه لان اني عندي اتفاق وي هديل مااكدر اخليج تشوفي الفرات.

اتفاق شنوو؟ ؟

ميخصج بيني وبينها ارجوج لاتصيرين فضوليه ونفذي الي راح اكولج عليه واذا عرفت مخالفه قوانيني راح ازعل واني زعل مر تره اني احذرج.

شنو يعني مجاي افهم؟ ؟؟

فرات تبتعدين عنه هالفتره وحتى اذا شفتي متحجين وياا ابد وهو ميعرفج ومراح يصدكج بس الاحتياط واااجب مفهووم.

ليش كل هذا اني شراح اسوي.

كام من مكانه وكاال اووووو نااادين

وكعد على كرسي المكتب وكمل كال

مثل مااكولج انت مو تردين اساعدج خليهه عليه تره هديل مخبله ديري بااالج منها.

وثقي بيه نادين ماشي.

يعني انت راح تساعدني اوصل الفرات؟

اي طبعا بس بالوقت الي اني اريده لازم اطيعين قوانيني نادين مفهوم يعني حتى اذا شفتي فرات متحجين ويا على انكِ تعرفينه مفهووم؟ ؟

كتله اي بس ممقتنعه.

كال ماشي اريدج گبال عيوني المكتب الي كبال باب هي الغرفه الج من هسه وراح اعلمج شنو احتاج انت تسووي.

اوكي.

طلعت وحسيت اكو مجازفه جبيره واني خطيت خطوه ولازم اكمل وظليت افكر هذا زياد مو هين وماادري على شنو ناوي وشيريد يسوي. ؟!!

بلشت شغل مثل ما علمني.

وبيومها شفت هديل من شاف*ني اجتني بخزر تحجي شسوين هنا ؟؟؟

حبيت استفزها رفعت الها تك حاجب كتلها دااشتغل شدتشوفين انت داسوي ؟ ؟؟

راحت دخلت الغرفة زياد ودارهم بينهم حجي بصووت عالي اجه بملي اذني سمعت كلشي.

هديل: زياد هي شتسوي هنا؟ ؟؟

زياد: اهدي هدييل اهديي ماله داعي الصياح.

هديل: انت تخبلت ليش جايبها هنا افرض شافها فرات وعرفها هااا اني مااعول ع الله نساهه تخليها كباليييي.

زياد: هديييل صوتج ميعلى عليه وهنا بمكتبي هي وحده اثنيين فرات ميجي هنا وميشتغل هنا ثلاثه هو مراح يتذكرها اني حجيت ويا الطبيب مالته ومراح يتذكر الي اجتزأ من ذاكرته بسبب الحادث وانت تعرفين هالشي لذلك اطلب منج تسكتييين مفهوووم.

واخيرا اني حر اجيبهه اجيب غيرها انت متتدخلين ولاتنسين فضلي عليج لاتنسين اني خلصتج من ساره حتى تفرغلج الساحه وتحضين بفرات الج وحدج لذلك خلي كل هذا ابالج.

هديل: زين كولي شتسوي هيه هنا هااا شتسوي.

زياد: كتلج اني حرر منو اخلي هنا اني حر ويلا روحي شوفي شغلج.

هديل: ماشي وراح امشيهه بمزاجي بس اذا عرف فرات ورجعها بعدها لاتلومني راح افضح كل شي.

زياد: مو انت الي تهدديني ام عبدالله تعرفيني كلش زين وتهديدج هذا ميهز شعره مني لذلك احفظي ل**نج وعرفي وي منو دتحجين.

زياد: وانت هم اعرف وي منو تحجي ومثل ماحذرتك اني اترخص.

طلعت هديل تخزر بيه وتمشي مثل الخبله

في حين اني بقيت واكفه متصنمه وصافنه وافكر بحجيههم الي ملى اذني وراسي هذول شنو من بشر؟ ؟ وشنو عدهم وعلى شنوو ناووين والله ياالله.

مرت كم يوم واني اشتغل يمهم زياد مرات يضوجني يريد يلغي بس اني ماانطي وجه.

فد يوم دااشتغل زياد راد مني اطبع اله كم ورقه طبعتهم يم واحد من الموضفين وخلصت واريد ارجع للمكتب.

وشفت فرات بالممر شفته واني ممصدكه اشوفه انتابتني قشعريره بكل جسمي

جانت شوفتي اله مثل الحلم ماسيطرت على نفسي ماردت اشوفه بهالحاله جان يعرج ولاف راسه متغير ع الرغم من هذا عرفته

اتمنيت احضنه واشمه بس ماكدرت خفت من زياد وتحذيراته الي اجت ع بالي وعبالك ديرددها هسه وعركته وي هديل وتهديداتها وياسر كلها وكفت بوجهي ومكدرت انطق بس احس عيوني حجت كل شي ظليت اباوع اله وكعت الاوراق من ايدي هو استغرب خزرني وسألني شبيج.

بعدها جتي هديل وابنهم دخلت جوه اني وهم طلعوا باوعت الهم من الشباك لازمين ايدين ابنهم ويمشون ظليت ابجي ع الشباك ماسيطرت على نفسي

طلعوا هو وياهه واني بقت روحي تصرخ ب**ت فرات ارجع خلي اكولك منو اني فدوه ارجع اني مرتك

لكن محد يسمعني.

جنت اروح وارجع وهديل يوميه تهددني

زياد مرات يسافر اكعد بالبيت مااروح.

بيوم الحفله ماتحملت شفت زياد وهديل يتعاركون بسسبب حضوري للحفله.

دخلت جوه وكع مني الكلاص ون**ر واني جنت ابجي فجاه سمعت صوت فرات ورايه يكولي شبيج

متحملت ابد وكتله ليش ماتذكرني لحظتها بجيت وانتحبت كل مشاعري المعتله لانه مايتذكرني اه شكد صعبه مثل المووت البطيئ ردت فعله خوف*ني فعلا مو طبيعي ابد.

وتذكرت زياد ووهديل تهديده وبردت كتله اني بس صديقتك جنت.

بعدها و بيوم جنه اني وياسر طالعين رحت اشتريله العاب

شفت فرات بمحل الال**ب دموعي تريد تنزل ردت انهزم منه بس هو تقرب مني وسلم عليه.

بسرعه انسحبت وطلعت ماتحمل اشوفه بعد العشره والحب وكل شي يشوفني غريبه وميعرفني

جانت روحيي تبجي وقلبي يطمني اهم شي حي يرزق ولا ميت بس جنت اتسائل هم يجي يوم ويتذكرني؟ ؟؟

مرت الايام وبعد مشفته الفرات.زياد جان يخابر ويسولف وبالمكتب يزعجني بنظراته وسوالفه كلللش

كلما اسئله شوكت احجي وي فرات واخلي يعرف اني زوجته يكولي مو هسه مو هسه. فد يوم

دز عليه زياد كلي تعاي بالمكتب رحت

كلي كعدي.

كعدت اجه وكعد قريب مني كال بدوون مقدمات نادين اني اريدج.

وكفت على رجليه كتله شنوووو

شبيج فزيتي داكولج اريدج نتزوج

مو عيب عليك تره اني عرض اخووك شهالحجي هذااا! !

ههه خلي يولي منو كلج اخويه هذا اني مااعتبره اخويه ابن الساقطه كلب ابن ستين كلب.

امه ميته شون تحجي عليها هيجي؟ !!

المهم اني خلص خليتج ابالي ورايدج.

بس اني الهسه على ذمة اخوك شون تريدني اصير الك.

اي عادي تطلكين منه تصيرين الي بس اريد اسمع موافقتج.

شون راح اتطلك منه وهو ميعرف بوجودي.

اي عادي نشوف النه طريقه يطلكج بيها.

شوكت احاجي شوكت اخلي يعرف اني مرته؟ ؟

لم اخلص من هديل وابوها.

ماافتهمت شتقصد؟ ؟؟

لم اكووولج انيييي.

تريد شي راح اطلع.

اشرلي طلعي وطلعت.

بعدها اجت بنت سالت عن زياد كتلها منو كالت كوليله ساره بالبدايه معرفتها ساره نفسها حبيبة فرات عبالي حي الله ساره. فوتتها يمه واني متهالكة القوه ابد معندي قوه من كلامه المق*ف.

اريد اطلع للبيت بس شفت نفسي تعبت كلش معدتي وجعتني من كلام زياد توترت كلش جيت اوكع من طولي. رحت للحمام غسلت وجهي احس الحراره تطلع من كل جسمي مداتخيل نفسي اصير الزياد ابد دعيت ربي يخلصني من زياد.

طلعت من الحمام سمعت هوسه بغرفة زياد وعرفت صوت فرات الي اكدر اميزه من بين الاف الاصوات.

سمعت كل شي وعرفت على شنو عرفت هي حبيبة فرات وسمعته يكوله بالعافيه عليك فضالتي.

من طلع كلش معصب حتى ظل يصيح عليه واني ممسويه شي جنت قبل لحضات من سمعتهم يتعاركون كلت بس يطلع فرات اكوله اني مرتك.

بس من طلع وعيونه براسه من العصبيه والغضب ضاع الحجي وكل شي.

كعدت ع الكرسي وباذني صدى حجايته

اني اذا زياد استولى عليه رغم عني معناهه حالي مثل حال ساره.

قررت اول شي اسوي اوفر مكان امن الياسر اودي يم انهار لان زوجها ناس معروفين وهم يكدر يحمي لازم باي طريقه اقنعه يبقي يمه اكوله لا هو اله ذنب ولااني ولاحتى عمار مالنه ذنب من نسبوا الك بالكذب والاحتيال.

وثاني شي اروح الفرات واحجيله كول شي وطزز بزياد طزز بهديل قرررت ولاازم اخطو الخطوه الاولى.

بارت 21

في طرفة عين

نورا ناصر.

*فرات*

بعد عركتنه اني وهديل راحت لأهلها وبيوم رجعت للبيت دخلت للغرفه شفتها راجعه.

غلست عليها وماحاجيتها تقربت من سرير عبود شفته نايم تلمست خده وبسته.

اتقربت مني هديل وخليت ايدها على كتفي كالت

يعني بس عبود الي يهمك ام عبود ابد ماالهه قيمه عندك ؟

اللتفتت الها كتلها ختشوف نفسها شنو سوت وبعدين تسأل هذا السؤال ؟

وخرت عنها ورحت اغير ملابسي

بدلت ورحت تمددت على السرير وهي اجت يمي.

تحسرت وكالت:

انت لو تدري اني شكد احبك وسويت المستحيل على مودك جان متعاملني ببرود هيج حس بيه فرات اني احبك.

تحبيني تتحمليني مثل مااني مو تهدديني بابوج مو ترحين تحجين عليه كدام ابويه وتقللين من قيمتي هذا كله نزلج من عيني.

ميخالف فرات فدوه ماتنعاد.

نطيتها ظهري وكعدت اكلب بالفون.

وهي تمسح على ظهري وكتفي وتتوسل بيه

فرات كافي تعاملني هيج اني غلطت بس ابقى مرتك وام ابنك.

جان اكو حجي اريد اكوله الها انت مرتي وبس ليش ماجاي احس بمشاعر اتجاهج ياترى شنو الي خلاني اكرهج لهالدرجه بس سكتت وماردت اجرح مشاعرها.

درت عليها وسحبتها يمي كتلها اريد انام ياريت كافي خلي نسد الموضووع ونبدي من جديد.

كالت ميخالف اهم شي تبقى الي.

ليش اني المن هسه هو اني الج انت وعبود ومن طلعت وتخلفت عن موعد عزيمة اهلج بدون قصد جنت ابيت نجم.

اي حبيبي هيج اريدك اني ومرايده شي غير هيج.

يلا هسه نامي واني هم لازم انام.

ليش شنو وراك باجر.

اريد اروح الغير طبيب يشوف عمليتي تعبت من النسيان اريد استعيد ذاكرتي اشو هذا الطبيب مدا اثق بي.

حبيبي انت هيج شبيك مبيك شي وبعدين الطبيب شيسويلك هذا تاثير الحادث.

ميخالف اني اريد هيج.

ماشي براحتك.

*نادين*

باالايام الي اروح بيها للشغل ياسر يبقى بالبيت واذا عدها ام بنين شغل او طلعه ابقى اني يمه او بين ما تطلع اجي على وكت.

جنت اصفن واحمد الله على وجودها بحياتي رغم كل شي اني محرومه منه الله رزقني صحبتها وصرنا اخوات واكثر رغم فارق السن بينا بس الصداقه متعرف عمر.

وبنفس الوقت الله ينطي شي وياخذ شي

اخذ مني الاهل والزوج ورزقني بيها

دائما جنت اكول حمدلله بعدها الدنيا بخير.

بعد العركه الصارت بالمكتب بين زياد و فرات

وقراري بأن احاجي الفرات بدون ميدري زياد.

رجعت للبيت واني مقرره ارجع ياسر لانهار

صح بعيد عني بس اهم شي يكون بأمان وايضا سعيد بين اخوانه وادعي الله يهدي غيث ويوافق.

دخلت للبيت شفته بالصاله ديلعب بال**به

من يشوفني يبتسم ويجي يمي

هاا جيتي الله يساعدج.

هيج يكولي احس التعب والالم كله يروح ويتلاشى.

ابوسه على راسه واكوله اي حبيبي جيت وانطيته الي جايبته اله ويايه حلويات و ايس كريم لان يحبه.

كتله وين خاله.

يمها بنات بذيج الغرفه وأشرلي على الغرفه مالت الشغل.

كتله ماشي.

رحت غيرت ملابسي

ورجعت يم ياسر كتله حبيبي اصبلك غدا تاكل.؟؟

لا مااريد

يعني ماجوعان؟ ؟

لا قبل شويه خاله صبتلي واكلت.

الحمدلله حبيبي اني رايحه يم خاله اذا ردت شي دك الباب اجيلك خوش.

لا مااريد شي روحي.

ماشي حبيبي.

رحت يم ام بنين سلمت ودخلت وشكلت اساعدها

مبين مخبوصه وتريد مساعده

كالت روحي ارتاحي انت جايه تعبانه.

لا مو تعبانه مابيه شي خليني اساعدج حتى تخلصين وكت.

ساعدتها وهن يسولفن ويحجن واني بالي رايح بعيد كلش بعيد شون راح اواجه فرات وخاف ميصدگني.

تذكرت تليفوني وبي الصور والرسائل اكيد راح تساعده يتذكرني.

بعد ما خلصنا وراحن البنات ساعه 3.

كعدنا نرتاح بينما تجي حنين من المدرسه ب4 ونص

ونتغدا سوه.

ام بنين بعد كل هي السنين احنا سوه تعرفني من النظره وتعرف بيه شي.

كالت:

شبيج مبين محتاره وبعيونج حجي كولي احجي فضفضي.

اني قررت اترك الشغل وي زياد

اي زين ماسويتي.

وبعد اروح الفرات واحاجي اكوله يتذكرني اني مرته.

خوش حجي واذا ماتذكرج كليله يطلكج احسن.

ماادري شون راح تصفى؟ وبعد اريد اودي ياسر لبيت انهار.

ليش؟ ؟

هيج هناك أمن اله

ليش شكو اكو شي احد مهددج.

شكو بعد يعني اكبر مجازفه اروح الفرات اكوله اني زوجتك تخليلي شكد اني متعذبه متزوجه وزوجي ميعرف عني شي ياربي شهالعذاب تعبت والله تعبت اني.

اي غير افهم ليش مجازفه؟ ؟

اني اتفقت ويا زياد مااحاجي فرات اذا ما هو يسمحلي.

مو من البدايه كتلج لاتتورطين ويا زياد ماخذتي حجي.

اني اريد اوصل الفرات شون اوصله اذا مااداوم بالمقر. وهسه شون راح تحصلي؟ ؟

اسال عنه بالمقر واليسال مايضيع عسى ولعل الگي.

ان شاءالله ربي يفك عقدتج هي وتف*ج.

امين ياربي.

مشى الوقت بسرعه واجت حنين وتغدينه.

دخلت للغرفه وكعدت افكر اريد احد يدليني على فرات اني وين راح الگاااه.

اعرف بنيه بالمقر تشتغل اسمها رشا صار هواي هي يمهم تعرفت عليها ورقمها عندي قررت اسالها عن فرات بلكي تعرف شي.

طلعت رقمها وخابرت عليها.

الو رشا شلونج؟

هلا ندوش شونج انت؟

والله بخير انت ممداومه اليوم مو؟

اي والله وانت

اي داومت محتاجتج بشغله.

كولي عد عيناج اني.

تسلميلي. ،اكولج بس مااريد احد يعرف اني سألتج فدوه تره اروح بيها.

يمه خوفتيني كولي خيرج؟ ؟

اريد اسألج عن واحد اسمه فرات هو اخو استاذ زياد تعرفيي؟ ؟

هاا من هيج كلتي اروح بيها.

شنو تقصدين؟

مو هذا زوج هديل وماتريد احد يتقرب منه لذلك ابتعدي عنه احسن.

لا لج مو مثل ماانت فاهمه اني محتاجته بشغله فدوه.

بس هو من زمان ترك الشغل بالمقر وماادري وين راح بالضبط ومن فتره تعرض الحادث و

اي اي رشا فدوه دبريلي رقمه او مكان شغله عفيه انت عندج علاقه زينه وي الموضفين وتكدرين تحصلين الي على مكانه او رقمه.

اي ميخالف راح اسأل واحاول بس احذرج لاتروحين زايد تره هي هديل نقمه تعرفين شنو نقمه.

لج لا انت شبيج اني مااريد ازحفله هههههه عندي موضوع ويا.

مااصدك وحده تريد فرات بدون متزحفله ههههههه.

اووووو رشاا اشايف*ني اني. المهم الموضوع سر بينا فدوه.

اي تمام اسالج منير لو رائد هم جانوا اصدقائه.

اوكي اسالي اخذي راحتج

يلا اذا حصلت شي اكولج

ماشي والله حتعبج اني

لا لا ماكو تعب حياتي.

يلا باي

باي.

سديته من رشا وخابرت انهار احاجيها عمود ياسر.

احس الدكات بقلبي بمسامير اتمنى تكولي انهار لاتجيبي ورجلي ميريده ماايهون عليه اودي بس مدام امان اله شسوي ادوس على گلبي.

واخيرا جاوبت .

شونج انهار.

هلا نداوي شونج شون حمودي ؟؟

زينين بخير رايدتج بموضوع.

شنو خيرر؟ ؟

اريد اجيب ياسر يمكم فتره

اي ياريت والله فد مشتاقتله بس خاف ميقبل عمار وغيث ميريد مشاكل.

اني احاجي الغيث معليج

تحاجين غيث؟ ؟

اي فدوه اريد احاجي وافهمه.

هسه هو مسافر والله من يرجع اخليج تحاجينه.

هاا ماشي شوكت يجي.

والله ماادري ماكال يجي يشوف جهاله ويطلع مو دائما يحاجيني والله تعبانه ندى مااعرف شون ارجعه الي مثل قبل.

ميخالف يجي يوم وينسى كل شي ويرجعلج.

هي حوبتج ندى والله مراح تنعدل حياتي ع السويته بيج.

الله كريم من يجي نطيني خبر.

ماشي.

يلا مع السلامه.

سديته منها فرحانه وما فرحانه الله اله بيها حكمه لان غيث ماكو وياسر يبقى يمي اطول وقت ممكن هو المصبرني على ظيم الدنيا شوفته كبالي كافي.

رشا مقصرت وجابتلي معلومات على عنوان شغل فرات كالت يكولون عنده معرض سيارات هو واخو نجم بهيج منطقه وهيج اسمه المعرض.

تشكرت منها وقررت اروح بعد مااتحمل.

يوم ثاني طلعت من البيت الصبح رحت للمقر زياد ماكو كالو مسافر انتهزتها فرصه اخذت جنطتي وطلعت

اجرت ت**ي كتله على المنطقه الي بيها مكان شغل فرات.

باوعت للساعه 9:30 دعيت الله يكون موجود.

وصلت للمعرض مجموعة معارض ظليت اقرا باسمائهم واحد وره واحد.

واخيرا لكيته فتت جوه اكو عمال اثنين سألتهم

دخلوني جوه للمكتب.

طب للغرفه وطلع كال تفضلي.

غمضت عيوني دعيت ربي يقوي گلبي.

دخلت جوه الغرفه بيها مكتبين واحد منهم كاعد وراه نجم والثاني فرات انتفض قلبيي من شفته.

ورجفت شفافي.

فرات من شافني بقى كاعد بينما نجم وكف وكال

انت شعندج هنا شتردين؟ ؟

تجاهلته ومجاوبته واللتفتت على فرات

كتله فراااات اريد احاجيك بموضوع.

نجم: فرات ماعنده حجي وياج يلا روحي طلعي.

فرات: اوكف نجم اصبر غير افتهم؟

اللتفت الي فرات كال احجي اسمعج.

نجم: تره تندمين والله.

كام فرات من مكانه اجه يمي كال

راح تنطقون بشي مفيد انتوا الاثنين لو تبقون تحجون بالالغاز. ؟؟

نادين: فرات اني جايه اكولك اني مرتك.

فرات: بعد صدمه؛

صدك هذا الحجي نجم؟ ؟

نادين: اني جاي احاجيك فرات اني مرتك عود ليش مصدكني مرايده شي بس صدك بيه.

نجم: ههههههاي هي وحده من الاعيب زياد لتصدكها.

انت مو تشتغلين وي زياد. وهسه عدكم لعبه جديده تردون تلعبوها على فرات تره متعبر بعد.

فرات: اششش نجم اصبر خلي افتهم.

نجم: يااخي شتفتهم من هي الجذابه مرتك شنو

فرات: عندج دليل؟ ؟ عقد زواج مثلا.

نادين: ماعندي اخوك زياد اخذ كل الاوراق الرسميه الي جانت ابيتنا وطردني.

فرات: واني شون راح اصدكج.

نادين: بس نجم اخوك يعرف مكان السيد الي عقد النه خلي ياخذنه اله كووله.اكيد اسمائنا يمه بالسجل او عنده نسخه من العقد.

نجم: جذابه وبعد جاي تألفين قصص هذا ياسيد ياعمات عينج؟ ؟

نادين: كول بداعت ابنك اني مو مرته احلف بابنك.

نجم: كولي والله مادازج زياد حتى تلعبين باعصاب اخويه.

نادين: مادزني زياد اني وحدي جيت.

نجم: فرات تريد تصدكها لو تكذبني اني اخوك وانت تعرف زياد شنو وتعرفه من زمان شكد يكرهنا.

فرات: اطلع نجم خليني احجي وياهه على انفراد.

نادين.

كبل ليطلع نجم تقرب مني همس باذني كال والله لأخليج تندمين.

بقينه اني وفرات وحدنا نجم طلع وسد الباب بقوه.

فرات بقى صافن عليه احسه ضايع

احس اكو شي بداخله يصدكني وشي لا.

بقى ساكت يباوعلي.

فرات: كولي شكد دفع الج زياد حتى تجين تحجين هالحجي

نادين:دمعت عيوني و غمضت ونزل دمع حرك خدي

مشى خطوات وراح كعد على مكتبه

كمل كلامه كال اني مااكدر اصدكج واكذب اخويه وخاصة انت تشتغلين وي زياد فهذا يخليني من سابع المستحيلات اصدك بيج

احجي شرايده خلصيني.

نادين: رحت يمه خليت ايدي ع المكتب دنكت عليه صار وجهي بوجهه وعيوني بعيونه ابتسمت بألم

كتله مااصدك يطلع حجيك الي كله كذب لو صدك حبيتني بيوم ماتنساني فراات.ع الاقل قلبك ماينساني اذا عقلج ينسى.

تدري انت شنوووو؟ ؟ راح اگولك.

انت تزوجتني غصب جبرتني اتزوجك خ*فتني هددتني وبعدها تزوجتني بالسر. بدون علم اهلك واهلي

سرقت سنتين من عمري حرمتني من كل حقوقي لا عقد محكمه ولا خليتني اسوي طفل ورغم كل هذا حبيتك

بعد 6اشهر من زواجنا رحت تزوجت وخلفت

واني محرومه من ابسط حقوقي

ولم عرفوا اهلك رادوا يقتلوني بيوم الحادث اني جنت وياك ض*بوك وياريتهم ض*بوني واخلصت

تعافيت ونسيتني ياريت اني الي نسيت مو انت.

اني اكولك ماعندي دليل على انه اني جنت زوجتك بيوم اخوك وزوجتك محو كل شي.

ماعندي غير هذا التليفون بي صورنا ورسائلنه

وخليها ابالك اني ماجايه اريد شي

اريدك تطلكني ونخلص غير هذا مرايده لان اكتفيت منك ومن عذابك اريد اعيش حياة طبيعيه.

طلعت التليفون من الجنطه والسيم اخذته وخليت تليفوني على المكتب مالته وطلعت.

يتبع.



روت له قصه بكلمات لم تنطق وبحروف اطلقت من بين اجفانها وكانها رشقته بسهام الماضي تخللتها ابتسامة يتيمه.