صرخات لم تسمع

3503 Words

بارت 22 في طرفة عين نورا ناصر. غادرت المكان تاركة خلفي صرخات لم تُسمَع لم يُصغى اليها بقيَت° في جوفي ولم استطع البوح بها. كان قلبي يصدح بـ اريدك رغم الاوجاع التي مزقتني اريدك رغم حطامي اريدك رغم موتي الاف المرات في كل لحظه بسببك اريدك رغم خذلانك لي ورغم خذلاني لك. تسائلت هل أثرت فيهِ دمعاتي ،كلماتي ،ابتسامتي الحزينه في عينيه ؟!! قربي منه وعطري في أنفاسه كما حدث معي. جانت صرخاتي الصامته بداخلي تنطق تكوله فرات صدگني. مجنت متوقعه اكون غريبه بالنسبه اله ماان طلعت من الغرفه تلكاني نجم. لزمني من ايدي عيونه تخووف يخزر ومعصب يريد ياكلني مااعرف ليش هيج يتصرف ويايه ليش يكرهني. ؟؟شنو سويت اني؟ ؟ كال انتِ على شنو ناويه مكفاج اشتغلتي جوه ايد زياد وتعرفين كلش زين زياد واني وفرات مو على ود وهو هواي أذانه! ! شوفي لاعبالج نصدكج لعبتكم مكشووفه تره. نجم عوف ايدي بالله انت شدتحجي اني مرته شنو شبيك نسيت؟ مرته؟ ؟ انت خاينه خنتي الفرات من صفيتي وي زياد كولي شرايده؟ ؟ ماصفيت وي زياد اني اريد اوصل الفرات ع الاقل خلي يطلگني خماابقى هيج معلكه اني. انت متأكده؟ بس هذا التردي؟؟ لعد شنو اريد برأيك؟ ؟ روحي روحي يله وانسي فرات تره هو هسه ميهمه لاانت ولاغيرج زواجكم جان مجرد نزوه وهسه رجع المرته وابنه تره اذا صار عليه شي مااراح ارحمج افتهمتي. ؟؟؟ اتملصت منه گوه وطلعت بالشارع امشي ضايعه ومو ضايعه. جوايه بركان متوجر شويه شعوري مينوصف ممصدكه فرات يعاملني بهيج برود شكد جنت اضوج منه من حنيته الزايده من حبه رومانسيته حتى الهدايا الي جان يجيبها االي جنت اضوج منها. هسه بكد ضوجتي مشتاقه اله واريده بس يذكر يوم واحد كنا بي مع بعض . جان كلي امل اذا اروح احاجي يتذكر بس الامل راح وتلاشى. ظليت امشي اعاقب روحي بالمشي رغم دااتوجعني رجليه واحسها تدممت. وصلت يم جسر اريد اشمر روحي من فوك بس مااكدرت يمكن ماامتلك الشجاعه الكافيه للانتحار او بالع** عندي شجاعه لمواجهة الحياة البائسه الي دااعيشها. اما الي ينتحر ويتخلص من نفسه هذا ضعيف شخصيه مو قوي ابد ارجع للبيت عندي ولد محتاج الي ولازم اكمل للنهايه. اخذت ت**ي من الشارع وصعدت ورحت للبيت. *فرات طلعَت وبقيت اني متشتت ضايع احساسي متقلب مره احسها صادقه. كلامها عطرها عيونها اكو شي بداخلي نابع من عمق قلبي ومشاعري يكولي كل هذا مو غريب عليه. بس من عرفتها تشتغل ويا زياد واتذكر كل الطعنات الي طعنها وكل الاذيه على مر السنين الي اذانه بيها اني ونجم. صار عندي شك اتجاهه واني ثقتي بنجم مستحيل تتزعزع بيوم لذلك جنت محتار بين احساسي بصدقها وبين ثقتي بنجم وبين زياد واذيته النه الي ماتنسي. وبين ذاكرتي الي مانصف*ني ولا نصفت دموعها ونظرات التوسل بعيونها. اخذت التليفون ومتردد افتحه داحس بضياع خليت راسي ع المكتب وعيوني ع الكاع والتليفون بايدي وافكر. سمعت الباب انفتحت ودخل نجم عندي كلام هواي ويا خليت التليفون بالمجر. وكمت احجي ويا نجم. كتله نجم قاطعني كال فرات ليش تخلي الاعيب زياد تعبر علينه؟ ؟ لاتصدكها وخلي نرجع لشغلنه. بس هي عدها دليل تكول اكو صور ورسائل بالتليفون هم لاصدكها كلها مفبركه. المهم اني طالع هسه اريد اروح اشوف صديقي انس. براحتك دير بالك على نفسك ولاتنطي للموضوع أهميه. أشرت اله بأيدي وطلعت. وصلت لسيارتي صعدت بيها حسيت ناسي شي اريد اتذكر مجاي ااكدر تعبت من حالة النسيان هي الي صارت متلازمه وياي. حركت السياره وصلت للمطعم وخابرت أنس يجي وصل انس طلبنا عصير وكعدنا نسولف بس جان بالي كله وياهه انس صديقي من سنين اول مااجينه للعراق تعرفت عليه. فرات: اكول انس اني هم كايلك على زواج بالسر هيج شي انس: قصدك انت متزوج بالسر؟ ؟ فرات: اي هيج شي. انس: مو مره كتلي تزوجت هي البنت قريبة علاء مااعرف شتصير منه ؟؟ فرات: تعرفها انت اذا اشوفك ياهه تكدر تتعرف عليها انس :لا مشايفها وياك بس انت كتلي تزوجتها بعد ماانهزم علاء فرات: علاء منو ذكرني بي؟ ؟ انس: علاء الولد الي اتهموا بانه هو بايك فلوس من المخصصات وبعدين طلع بريئ مهمة البحث عنه انت تكفلتها علاء الاسمر طويل وعنده بنات اثنين من زمان هو ويانه. فرات: اي تذكرته عندي معلومات عنه بس بعيده. بقلبي كلت والله راح اتخبل حتى عقل مابقى عندي لعد ليش نجم ينكر اكيد سالفه جبيره. اني هالفتره اريد ابتعد وارتاح حتى نجم هم ابتعد عنه. طلبت من انس يسافر وياي وكتله على طبيب بالدوله الي راح نروح الها يشخص حالتي هنا مالي ثقه بأي احد. وافق انس واتفقنا نسافر بأسرع وقت. راح انس للبيت واني توجهت للمعرض دخلت شفت نجم من شفته انقهرت ليش جذب عليه مافاتحته بالموضوع. نجم: هاا شونه انس؟ فرات: زين اكولك نجم اني راح اسافر هالفتره وي انس. نجم: ليش مو اتفقنا نسافر سوه؟ ؟ فرات: اي صح بس اني حاب اسافر باسرع وقت وانت عندك شغل وهم انت عاجبك تسافر وي زوجتك لذلك اني اختصرت عليك هواي امور وراح اسافر وي انس. نجم: شبيك فرات احسك مو طبيعي انت مامصدكني ماالك ثقه بيه صدكتها الهايه وتكذب اخوك؟ ؟ فرات: مو هيج لا لا بس اريد ابتعد عن كل شي هالفتره نجم: اروح وياك اطمئن عليك مااعوفك وحدك. فرات: لانجم انت ابقى هنا وغير مره نسافر سوى. هسه تعبت اريد اروح للبيت اريح وغير وكت نحجي. توجهت للمكتب اخذ شغلات فتحت المجر وشفت التليفون تذكرت شنو جنت ناسي الصبح اخذته ويايه تركت نجم فاتح عيونه على البرود الي عاملته بي وطلعت. وصلت للبيت شفت هديل جايه هديل: دننتظرك نتغده سوه فرات: عبود وين؟ ؟ هديل: ابيت اختي نبأ فرات: وهو راح يبقى هناك على طول؟ ؟ هديل: اي ياحبيبي واذا وديته البيت خالته يلعب وي جهالها شكو بيها وبعدين انت قابل موجود بالبيت تلعبه تطلعه اشو كله طالع. فرات: يعني جاي تحاسبيني مو؟ ؟ هو غير انت امه وانت مسؤؤله عنه واني هم ممقصر ويا بشي. هديل: لا مقصر وهوايه هم فرات: بالله اسكتيييي رايح اجيبه احسن. طلعت مره ثانيه رغم تعبان كلش بس حسيت محتاج العبود صدك حسيت بتقصير تجاهه. اخذته من بيت خالته ورحنا لمحل ال**ب واشتريله وافترينه بمدينة ال**ب بعدها نعس رجعنه للبيت. ونمنه اني ويا. حسيت بهديل دتفتش بملابسي كعدت بسرعه فرات: شدسوين هديل: شسوي يعني ملابسك اريد اوديهم للغسل هذا شنو موبايل جديد. فرات: كمزت من السرير واخذته منها لا مو الي الصديقي هديل: وشبيك كمزت هيج قابل شراح اسويله اني. فرات: ضميته بجيب الترا**وت وكتلها على فكره هالفتره اني راح اسافر هديل: انتظر اخلص شغلي نسافر سوه فرات: لا مالحك اني مستعجل غير مره نسافر سوه ماشي. تركتها تحجي وتتذمر وطلعت من الغرفه كعدت بالحديقه وطلعت التليفون فتحته دخلت على الصور شفت صورها واني وياها هوووايه صور خلتني ابتسم شون لازمها شون حاضنها ومخليها على ص*ري حسستني بالارتياح غمضت عيوني اريد اتذكر ماكدرت كل شي اشوفه معتم ماكو مدداتذكر شي.وكلمة نجم مفبركات وجذب ابالي. !! قلبت بالمسجات اكثر شي أثر بيه مسجات عتاب منها نادين تعاتبني لان تزوجت واذيتها ومانطيتها حقوقها تعاتبني ليش مااريد طفل منها رسائل عركه ول**نهاااا طويل ضحكتني خلتني احتاجلها حركت بداخلي مشاعر جديده اتجاهه ثواني وسمعت هديل :شبيك تضحك شنو بي التليفون فرات فرات: ماكو شي بس هي سوالف صديقي جاي اضحك عليها هديل: خليني اشوف وياك فرات: دخيل الله شكد فضوليه. طلعت من المسجات خليت باسوورد للتليفون ودخلت جوه عبود كاعد اريد هالفتره اتقرب منه كبل لااسافر لعبت ويا هو الوحيد الي يخليني احس بالسعاده. حضرت للسفر وي انس نجم هالفتره يتصل ويجي للبيت اتهرب منه لان ماخذ على خاطري منه. حضرت الجنط للسفر وحرصت على ان اخلي تليفون نادين هيج عرفت اسمها من المسجات اول شي خليته بالجنطه. ودعت عبود وبوسته سلمت على ابويه ومرته وهديل وطلعت اجه عليه انس. نجم كال يوصلني للمطار بس اني كتله ميحتاج. اول ماوصلنه ارتاحينه كم يوم. زرت طبيب وبلش فحص فرحني كلامه كلي انت مابيك شي بس محتاج فترة راحه استجمام نقاهه تبتعد عن المشاكل الاسريه واي شي يتعب اعصابك بالاضافه الى جدول غذائي خاص بحالتك وجلسات معرفه يعرض بيها عليك صور ومقاطع فيديو من ماضيك يساعدك هوايه. رجع الامل الي. اللتزمت بكلامه غلقت تليفوني وابتعدت عن اهلي كلهم وقضينا ايام كلش حلوه ومن جنت ارجع للفندق اخذ تليفون نادين وميوكع من ايدي حد ماانام. جان بداخلي دافع نابع من اعماق مشاعري يحفزني اتذكر بس نادين بس هيه احس مشاعر جديده نولدت بداخلي او مشاعر قديمه وجاي تحيا من جديد بشكل اقوه. اتمنيت اتواصل وياهه اتصلت على رقمها الي جنه نتبادل بي الرسائل ماكو مغلق. ضجت من نجم حييل لان جذب عليه. تدريجيا رجعتلي ذكريات اول مااللتقيت بنادين. واول بذور الحب الي نزرعت بداخلي من شفتها بالليل وشعرها مبلل ولابسه اسود اصغر التفاصيل تذكرتها فرحت ومافرحت اني شلون نسيتها صرت الوم نفسي. اكدر اسامح عقلي اذا نساهه بسبب الحادث بس كلبي مستحيل اسامحه. تذكرت من اجت للمكتب تكولي اني مرتك وتبجي واني مااستجبت لتوسلاتها شكد جرحتها شكد اذيتها شكد خذلتها. اجاني انس كال نجم يريدك ع التليفون كتله هسه افتح تليفوني واخابره فتحت التليفون وخابرته بس كلش شايل عليه ليش هيج سوه وماگلي الحقيقه وجذب عليه. فرات: الو هانجم شونكم نجم: يااخي انت وينك متكولي. فرات: ليش شكو شصاير عبود خو مابي شي؟ ؟ نجم: لا بس عمك ابو هديل انطاك عمره. فرات: الله يرحمه ان شاءالله اجي باسرع وقت. حضرنه كل شي ورجعنه جان العزا مخلص لان اني عرفت متأخر هديل جانت ابيت اهلها وحالتها كلش كتلها امشي ويايه مقبلت كتلها راح اخذ عبود كالت اخذه اخذته ويايه. ونجم بعد مشفته رغم يريد يقابلني بس عندي حجي ويا هوايه اجلت الى ماابعد مااروح النادين وارجعها الي. تذكرت بيت الحجيه ام رنا ورحت الها دكيت الباب وتخللت الى ذاكرتي احداث صارت هنا وي نادين تعاركنه تغازلنه واكلنه اوووف اشتاااقيييت طلعت الحجيه كالت مو يمي هي وماادري بيها وين ومتخابر صارلهاا فتره. تذكرت الصالون وهم رحت وماكو هي بي. بعدها اجت على بالي ام بنين وحاولت اوصل العنوانها ووصلت الها. رحت البيتها ودكيت الباب طلعت الي سلمت عليها ظلت فاتحه حلكها وعيونها تجاهلت ردة فعلها وسألتها على نادين كالت والله مو يمي من فتره وصار هوايه اجو عليها عمامها ويه ابن عمها اخذوها هي وابنها وراحوا ومداعرف عنها شي. *نادين من رجعت للبيت جان خليط من المشاعر بداخلي مره اكول اكو امل يتذكرني فرات ومره خايفه من زياد لايعرف بالموضوع ومره مقهوره لان رحت ورجعت وكلشي ماثمرت. دخلت للبيت شفت ياسر وام بنين جاي ياكلون ابتسمت رغم الخراب الي بداخلي واهمس وي روحي اكو امل. سلمت عليهم ورحت غسلت ايديه وخليت رجليه جوه المي لان كلش تعبت من المشي. نشفتهم وطلعت بعدهم دياكلون كعدت اكل وياهم ام بنين: هاا بشري شصار؟ ؟ نادين: نكدر نكول اكول امل ام بنين: احجيلي بالتفصيل الممل تره ماتشبعني هي الكم كلمه نادين: خلي ناكل والله جوعانه ام بنين: اكلي عمري ومن ترتاحين سولفيلي. بعد ماخلصنه اكل ورحنه للمطبخ خليت المواعين داغسلهم وام بنين تباوعلي احجي شصار لج ولااتحمل. خليت ايدي ع حلكي وبجيت كتلها ماتذكرني ام بنين: ياعيني اصبري عليه ليش رأسا تتسرعين وتاذين روحج وتبجين انت مو كلتي اكو امل هي هيه خلص. نادين: اخو واكفلي عظمه بالبلعوم موتني ميريده يرجعلي. ام بنين : ليش شيريد منج هذا بعد؟ ؟ نادين: يكولي بسببج الصارله كله خلي يستقر وي مرته. ام بنين: الصراحه بعد احسن شحصلتي من زواجج منه بس اذيه. نادين: من جنت ويا قبل هيج اكول وافكر بس هسه لا احبه واريده شون ماجان جاي اشتاقله واحتاجله وابد مجاي اتخيل نفسي وحياتي بدونه صار جزء من روحي او روحي كلهاااا. ام بنين: لعد خلي كل شي للوكت ولاتستعجلين حياتي ان شاءالله الله يرزقج ايام كلها سعاده ويعوضج ع الشفتي من اذيه ويبدلها بخير وراحه. وره كم يوم اندكت الباب وطلعت حنين تشوف منو رجعت كالت هذا واحد ع الباب يريدج شهكت منو فرات؟ ؟؟ لا واحد ثاني مطول شعره وعيونه ملونه. عرفته عمار اتنفست للحظه ولازم اواجهه اذا اريد اخلص من خوفي منه لازم اواجهه واخلص طلعت شفته واكف بالباب وجكارته بيده. خليت ايدي على خصري اريد افرغ كل ظيم الدنيه بي. هاا شرايد شعندك؟ ؟ ياادب سز ياساقطه يادايحه ****** ولج شعبالج مااطيح بيج والكاج ترحين جيبين ياسر لا اسحلج هسه بالشارع سحل. لا صدك والله عبالك خايفه منك يله ولي ابو العرك يحرم عليك ياسر لو تموت ماتاخذه اريد اسد الباب بوجهه دفعه وعلى صوتنا جتي ام بنين وحنين وهو يريد يطب للبيت وظلينه احنه الثلاثه ندفع الباب وهو وره الباب يريد يدخل اللتموا الجيران علينه ووخروا من الباب ولان هم يعرفون احنه بس نسوان وماعدنه والي اخذوا سحلوا وبعدوا عنه. وراح جبان بعد مارجع. دخلنه للبيت نضحك عليه وشون انسحل عبالي راح ارتاح منه بس بعدها بكم يوم. الصبح اندكت الباب وي كل دكه عبالي فرات يجي يسال عني او تذكرني بس طالت غيبته واتاخر هوايه ومااجه. طلعت فتحت الباب. تفاجئت بعمامي ابو عمار وعمي الثاني اسمه محسن ووياهم عمار يضحك بمكر. تفاجئت بشوفتهم كلش عود سلمت عليهم ماردوا عليه السلام وكفوا بالباب يرزلون بيه انت شنو تايهه شون تطلعين بدون ماتكليلنه استحيت كلش راح اجيب حجي لبيت ام بنين خطيه وهي طول عمرها مسالمه وماعدهه مشاكل. على صوتهم طلعت وكلتلهم صلوا على محمد تفضلوا بالبيت نتفاهم. دخلوا تلاثتهم وجوهم متجهمه وماتسر ظلوا يرزلون بيه بس اني كتلهم الله بالخير عليكم كبل وين جنتوا من ابوي مريض وتخابركم مريم ولا جيتوا ولاسالتوا اني ممسويه شي داانتظر رجلي هنا اني متزوجه انتم مالكم مسؤؤليه عليه مو لان عمار تلبون اله كل شي. ابو عمار. :شوفي انت مالج حق تاخذين االولد وترحين بدون ماتحجين وهسه ترحين ويانه لاتره نكتلج ونذب لحمج للجلاب. خطيه عمي عباله خوفني ادري بي لايحل ولايربط كتله: زين عمو اني ارجع بس ماارجع وياكم بنفس البيت شوفولي مكان غير المكان الي بي عمار وثانيا ابني ياسر مايطلع يشتغل حرام عليكم بعده طفل شون يشتغل بالشمس والحر والبرد والمطر والشارع اشكال بي مجرمين ومدمنين وغيره. محسن: خلي يشتغل يصير زلمه ليش تخنثينه عمو شيصير زلمه انت مو عندك ولد بكده واكبر هم تطلعهم بالشارع يشتغلون؟ ؟؟ احنه غير حالتنه زينه ومتمكنين اني موضف ومرتي موضفه بس عمار ماعنده شي خلي ابنه يساعده مدام يكدر. طبعا اطفالكم متقبلون عليهم بس هذا الطفل المسكين. مايفيد الجدال وياهم ابد واني مو حاسه بالامان هنا قررت اروح وياهم بس راح احاول وبقوه احمي اابني من عمار. قرروا ابقى ابيت عمي محسن علما الله يف*جها. كمت حضرت اغراضي وياسر كاعد بالارض ومخلي راسه ع الكنتور ضايج يدري بعمار جاي عمود ياخذه يكرب عليه. تقربت منه كتله ماما لاتضوج ازمه وتعدي يجي يوم ونستقر صح اني اذيتك كل يوم مكان بس انت تحمل ياعمري راح احاول اني مااخلي احد ياذيك وعد مني. ابتسم اليه وكال ميخالف ماما ادري بيج تعبانه انت هم. فرحت لان جاي يحس بيه بوسته وحضنته دخلت علينه ام بنين:المفروض تحضنيني اني مو حيروح وياج ياسر. حضنتها وبوستها كتلها اذا اجه زياد سال عليه لتكوليله اني وين واذا فرات اجه راح اكتب الج عنوان بيت عمي فدوه انطيهيا اذا اذا وبجيت وحضنتها كتلها والله عندي امل يجي ويذكرني يخلصني. ام بنين: راح اشتاقلج طمنيني عليج مو تنسيني لا ماانساج معقوله بس خلي استقر واجيب موبايل اتصلج تدرين احس هناك اأمن الي اكثر هنا خاف زياد يأذي ياسر لان خالفت الاتفاق خلي اروح والي كاتبه ربي يصير. ام بنين: تعودت على ياسر والله. هسه البنات يسوونج بيبي ويملون عليج البيت اطفال ان شاءالله. طلعت الجنط الحضرتهن اباوع العمار على وجهه ضحكة انتصار رفعتله تك حاجب بخزر بقلبي كتله ماراح اخليك تنتصر عليه. صعدنا بالسياره ام بنين تبعتنه للباب تودعنه. كعدنا وره وعمار يمي عود مسوي نفسه مهتم بياسر والجكاير مالته ترست ريتي متتت طول الطريق باوعتله غميت روحي شون حبيته بيوم يكولون الحب اذا ينتهي ميعتبر حب وهذا فعلا الي صار جان مجرد اعجاب بشكله بس شكد احسه حاقد عليه هيج نظراته تكول. سنين مانسى الي صار وحملني مسؤؤلية الي صار كلها وكانه اني الي خططت الكل شي. وصلنه البيت عمي نزلنه عمار: اني يوميه اجي اشوف ياسر واخذه يمي موتكولين ويجي يوم اخذه ويايه. نادين : اييي مسوي نفسك تحبه وتموت عليه هو انت تريد تكرب عليه بس والله حلمك يصير هالشي. محسن: هسه راح تتعاركون بالباب؟ ؟ وبعدين يا ندى هو هم ابنه انت شبيج محتكرته بس الج. نادين: عموو هو خبيث يريد يشغله ماخلي يشتغل اني اشتغل محاجه اخلي هو بعده زغير حرام عليه. عمار: وشتشتغلين حفافه هههههههههه نادين: وشبيهه الحفافه ع الاقل شغله شريفه مو اني طول بعرض واعتمد على طفل اقط منه! !! محسن: طبي طبي وانت عمار يمته ماتريد تجي تشوفه تعال. نادين: ظليت امشي واني ملتفته العمار اخزر بي ودخلنه جوه رحبت بينه مرت عمي وكالت ماعدنه غرفه فارغه بس غرفة الجهال كعدوا بيها. دخلنه بيهه وخليت بيها اغراضنه تعبت كلش شوكت يصير عندي بيت شوكت استقر وارتاح ويرتاح ويايه ياسر. مرت ايام مرت عمي زينه وتجامل هي موضفه وعمي هم بس جهالها وكحين طلعولي قلب بصف قلبي يردون ياسر يصارع وياهم وهي على طول اليوم هيج واني اخاف عليه من الهوا يظلون يحجون يكولوله انت دلوع امك وهو ميقبل طلعله ل**ن يكولي عوفيني اني مو طفل ليش تضحكينهم عليه ؟؟ غير اخاف عليك يانور عيوني انت. مو جاهل اني مو جاهل شبيج انت عيب تكلي شبيج انت صح اني ماربيتك بس شلتك ببطني 9 اشهر وهسه جاي اكافح واجاهد حتى احميك يا حبيبي كل شي جاي اسوي على مودك. يمته تقتنع اني امك يمته ياياسر. باوعلي بنظرة حزن حسيته يواسيني بس ميعرف شون. وراح يلعب وياهم ويصارع تركته كلت اني يمكن مزودتها شويه ويا خلي. مرت الايام عمار يجي للبيت يشوف ياسر وظل يطلعه ويا ومن يجي ياسر تعبان كلش يشمر روحه وينام. من كعد كتله وين رحت وي عمار ؟ ؟ لبيت جدو. لعد شبيك تعبان هيجي هااا؟ ماكو شي لااكو ديخاذك تشتغل موو؟ ؟ ايي عوفيني عوفيني تعبان. عفته خفت لا اضغط عليه اكثر يوم ثاني اجه عمار طلعتله اني هاا شتريد وينه ياسر جيبي وين جاي تاخذه هم طلعته يشتغل ولك خاف ربك خطيه طفل جاي يجي هلكان. ولج ندى جيبي الولد ولاتلغيين يلا كدامي مااجييبه لو تمووت يله ولي تدنه يمي كال اكلج شي اني بس هالفتره هنا اريد فلوس حتى اروح لتركيا وماعندي فلوس خلي يطلع ياسر وياي للشغل اكمل فلوسي واولي. لا يااا حقير شنو هالنذاله العندك ولك ابنك هذا ابنك. ولج اني ضحيه اني مظلوم اكثر من ياسر لهسه مجاي اكدر انسى انسام بسببج تزوجت من لزكوج بيه وهسه من عيونكم اطلع مظلوميتي. ولك انت شكد حاقد هاا ليش هيج اني شنو ذنبي مو امك واختك هنه السبب اني شكو وياسر شنو ذنبه. متروح تشتغل. مجاي الكه شغل ومابيه ع العماله. ليش هناك شتشتغل؟ ؟؟ بالملاهي وونسه شعبالج لعد خو مامثل هنا. استغفر الله ياربي وشنو ذنبه ياسر هاا شنو ذنبه. نطيني فلوس واولي بعد مااشوفوني. خوش راح انطيك بس بعد ماتاخذ ياسر تكرب عليه افتهمت. هسه دنطيني خل اروح. رحت للغرفه طلعت جنطتي بيها فلوسي من الراتب الستلمته من اشتغلت ويا زياد كلهن صارن 3ورقات وديتهم اله. شمرتهم بوجه اخذهم وطلع. ياسر بوكتها جان ورايه وشافني. كال ليش انطيتي ماما ليش. ؟؟ حبيبي حتى يروح نخلص منه هسه يروح يشتري بيهم جكاير وبطاله. تن*دت بوجع لعد شسوي مااريدك تشتغل ويا مااريدك. يمه هو ميشتغل يطلعني يكولي اشتغل بالسوك ومن يصير المغرب اجي اخذك من اشتغل واجمع فلوس ويصير المغرب يجي عليه ويفتشني وياخذ،كل الفلوس يروح يشتري بيهم. خرررب ليش متكلي؟ ؟هااا ياسر باوعلي ليش تنزل راسك هددك بشي هااا هددك؟ ؟؟ عافني ودخل للحمام وسد الباب اكيد مهدده ياخذه او شي ثاني ياربي بس لايض*به اني شون اسوي وي هالعمار هذا نوب عمامي مايصدكوني وصافين وياااا. مرت الايام ومااجه بعد الحياة جانت ممله لاطبه لاطلعه. ياخذني تفكيري الفرات شديسوي هسه عايش حياته وي هديل وناسي نادين وحب نادين شون كدر قلبك ينساني مو يكولون للقلب ذاكره. اه قررت اواجه التعاسه وشويه نغير جو نروح لبيت انهار خابرتها كالت تعالوا. حضرنه نفسنه والصبح عمي وصلنه البيتها فتحت النا الباب وصعدنا درج خارجي هي الهه الطابق الفوك. وزوجته الثانيه جوه. ياسر كلش فرح وبقى طول الوقت يلعب ويا اولاد انهار. كعدت تسولفلي كالت كل 3ايام يله يجيني غيث صح انقهر وابجي،بس وين جنت وهسه وين الحمدلله من رجعت لاطفالي وصح جان هذا البيت كله الي هسه يادوب ربع منه مكفيني اني والجهال هي عقوبة الله وحوبتج. مرات غيث يجي ويكولي مشتاق لاحمد (ياسر)هوايه. بعدها اجه يمنه غيث هو ومرته وحضن ياسر وشاله وبوسه شفت اب وابنه مشفت عمار هيج يحضن ياسر ابد جان حضن حقيقي تخللته مشاعر ابوه حقيقيه . انقهرت على ياسر حييل لان راح يبقى بلا اب ويايه. الفرق بين زوجة غيث الثانيه وانهار اختلاف واضح انهار حلوه عيونها عسلي ومهتمه بنفسها حييل خاصة من رجعت متغيره هسه. . ذيج لايمكن مقارنتها وياهه ومن حقها انهار تنقهر شون فضل هي عليها بس لكل خطأ عقاب وهذا عقابها. بعد ماراحوا كعدنا نحجي اني وانهار وكتلها على عمار كالت ليش تنطينه فلوس تره جذاب ياخذهن يشرب بيهن شسويله عبالي صدك يروح ونخلص منه لايقشمرج مره ثانيه لاتنطينه بعد يولي. اصرت انهار نبقى نبات عدها وبقينه عمود ياسر تونس وي اخوته. من ردنا نطلع نرجع لبيت عمي شفنه غيث حضن ياسر كله هاا تبقى هنانه اني وبكل انانيه كتله لا لا شون اني ابقى وحدي؟ ؟ اي انانيه اعرف ياسر راح يرتاح هنا واعرف هو يتمنى يبقى بس اني اريده هذا ابني حتى لو ماربيته اريده يمي. واني وحيده وهو اقرب الناس الي حاليا. اخذته وطلعنا ومشت الايام مرت عمي جانت استغلاليه عود مسويه عليه فضل اني باقيه عدهم يوميه جايبتلي وحده لو صديقتها لو جارتها لو خواتها او اهلها احف الهم اصبغ الهم شعرهم وغيرها من هالشغلات. ظليت اتحسر ع الاستقرار وان يصير عندي بيت وعائله وعلى راسها فرات مااتمنيت غيره. مرت ايام وماشفت عمار. فد يوم اندكت الباب وطلعت اني شفته عمار كتله هاا شجابك مو كلت راح تسافر؟ ؟ وين ياسر. ماكو ياسر اريد اسد الباب بوجهه دفعه ودخل بالطرمه وخله الباب مفتوح سحبني من ايدي كال اريد فلوس اوووو درووح شكلولك كاعده على بنك اني ماكو ماعندي فلوس. جاي اكلج ارييد فلوس تنطيني لو اطلع ياسر يشتغل لك والله على جثتي مايروح ياسر وياك افتهمت لولا افتهمت ظليت اعيط بوجهه لزمني من شعري ويصرخ بوجهي صار وجهي كبال باب الشارع وهو مشرع عيوني ع الشارع فتحت عيوني ع الباب مدااصدك الي شفته اجه فراااات باتجاااه الباب مال بيت عمي. يتبع.

Free reading for new users

Scan code to download app

App Store Google Play

Facebookexpand_more