زياد١٩

1790 Words

في طرفة عين بارت 19 نورا ناصر. طول الطريق وياسر مزعوج احسه مقهور زادني الم فووك المي حسيته مظلوم اكثر مني شكد انقهر على روحي والي جاي اعيشه بس احس قهره اكثر. هو طفل مشاف من حياته شي اولها انسرق من امه وانسب لغير ام لغير اب عاش بين ناس كان يعتبرهم اهله وبطرفة عين شاف نفسه بالشارع ومرفوض وابوه الحقيقي سكير وامه مشتته وضايعه. طلع يشتغل اشقى الاشغال مجبور وهو طفل لسه عظماته ترفه مو مال شغل شاق. لميت اكتافه الناعمه بيدي وخليته ع ص*ري المانطيته منه حنان وبسته على راسه اعرف ينزعج من هالشي لان يحس روحه كبر ؛ بس اني ارتاح رغم عنه كتله الحياة كدامنه اني وانت وراح اروح هناك حتى ابنيلك مستقبل احسن وعد مني نتواصل ويا انهار واخواتك. هز راسه وتملص مني اباوعله الحزن منه يشع. تنفست واني محتاره بس كلي امل بربي وبعد بفرات الي اخذ جزء من عقلي احس راح اتخبل وافقد كبل لااعرف اخباره. من جهه خايفه عمار يلحكني وياخذ ياسر لو بعد كدامي مصايب كوومه. وصلنه لبيت ام بنين واستقرينا كتلهه معندي غيرج تعرفين انتِ لتحجين هيج احنا اخوات. بيتها عباره عن غرفتين نوم خصصت النا وحده اني وياسر. كعدنا نرتاح وجابت النه اكل ناكل. ثواني و اشتغل تليفوني مكالمات من عمار من اول اتصال جاوبته؛ شتريد عمار اني اخذت ياسر وطرررت بي لبعيد بعدته عن ظلمك واذيتك ولاتفكر تتقرب اله بعد ولاتدور عليه مفهووم بده بالشتائم والسب سديته بوجهه وشكلت ايديه وكعدت اكل مليت من الحزن يربي ماكو غيرني اني شوكت يكعد حظي اخخخ هم اكو بشر مرتاح بهالدنيا اذا اكو يا بخت المرتاحين بهالدنيا اي والله. كعدت ام بنين تاكل ويانه والله ومشتاقين اكلنا سوه تلاثتنا بنتها الزغيره حنين مجانت موجوده عدهه محاضرات. ام بنين تشاقه وي ياسر بس هو خجول كلش يستحي وكوه اكل لكمتين وكعد مدد رجليه واتكه ع الحايط يريد ينام نعس كلش. كتله كوم غسل حتى تنام وديته للحمام وهو ساكت ميحجي ادري تبهذل هوايه بس اني دابذل كل جهدي حتى احمي واخلي يعيش حياة طبيعيه. وديته للغرفه نام وغطيته. ام بنين تسالني شبي؟ ليش هيج انطوائي. الي صار اله مو شويه حقه بس اني راح احاول اخلي يصير احسن. خلصنه اكل وكعدنا نسولف على الشغل. كالت مرات تروح تشتغل وي صديقتها ومرات بالبيت وهواي من زبوناتنه ديسالن عليه كتلها ياريت ارجع اشتغل. نشتغل هنا اني وياج على ما نفتح صالون ايي بس يراد النه كومه فلوس ان شاءالله تدبر. للعصر كتلها نطلع للسوك اني فلوسي بلشن يخلصن اخر ماتبقى دفعته كراوي وغيرها عندي كم قطعة ذهب كلت ابيعها اسويهه فلوس حتى لو كم فلس اشتري بيهم ملابس لياسر. طلعتهم باوعت كم قطعه اني مشتريتهم واكو هدايا من فرات خليتهم على صفحه واخذت الي اني مشتريتهم هم الي راح ابيعهم. العصر كعدت ياسر. وكتله روح اسبح حتى نطلع جتي حنين وسلمت عليه وكالت اطلع وياكم هي سادس علمي وبايام العطل تروح تاخذ محاضرات تقويه. جهزنا نفسنه دنطلع اول خطوه بره الباب تمنيت المح فرات حتى لو اشوف خياله. طلعنا بعت الذهب واخذت الفلوس وافترينه بالسوك اشتريت اله ملابس وبلي حتى يلعب بي وميضوج ودخلنه مطعم تعشينا ورجعنه للبيت. ارتاحت نفسيتنا شويه اني وياسر حنين حبابه ودمها خفيف ودتحاول تشاقي ياسر وتلعب ويا بلي وتطلعه من الحاله الي هو بي بس تعبت ويا ومحصلت غير ابتسامه وحده بساعتين لعب. لم خلته يفوز عليها. بعدها نعس وكمنا انام حضرت اله فراشه تمدد وغطيته وراح بسابع نومه. ظليت اباوعله والعب ب*عره ادعي الله يقدرني ويعيني على ان اصنع اله حياة وعيشه زينه وطبيعيه. ودعيت الله يتأقلم ويايه لان لهسه يعتبرني غريبه ويستحي مني؛ خليت راسي ع المخده وبده الم الاشتياق؛ أسدلَّ الليلُ سَتَائِرَهُ القاتمة تزامنًا مع إسدالِ عَبراتِها التي حُبسۡت طويلًا، كغطاءٍ يسۡتُرها من التعري أمام مشاعرها، تَتَوسدُ وِحدتها، تَلۡتَحِف تَعاسۡتَها، وتَحلُم بسَعَادۡتِها. مدااشبع اقلب بصور فُرات ومسجاته مثل كل ليله حد ماتتبلل وجنتي والمخده. ونمت .. مرت كم يوم احنا عدهم بيوم خابرتني الحجيه بعد السلام كالت اجه ابن عمج يدور عليج منو عمار؟ ؟ اي هو وظل بالي عليج والله افكر بيج. يااا هذا شجابه مصيبه صابته ليش انت وين يمه خاله اني قريبه عليكم بس لتكوليله اني وين لا يمه مااكوله. يلا اني اذا صارت الي فرصه امر عليج اشوفج. اي والله ياريت مشتاقتلج كلش هوايه. هسه ديري بالج على نفسج الله وياج مع السلامه. رحت لام بنين كالت شبيج وجهج مخطوف عمار شبي هنا جاي ورايح البيت الحجيه يسال علينا اوووو هذا مراح تفكين منه اني لازم اعرف اخبار فرات شون بالله وفرات شيسوي؟ ؟ فرات زوجي خو مانسيتي؟؟ لـا بس شون وهو تليفونه مغلق ومديجي يسأل عنج. وين تلگي ماادري من اي مكان عسى ما اروح لاهله انت تخبلتي تدرين كلش زين اهله شنوو؟ ؟ خاف ليأذوج لعد شون بس كوليلي؟ ؟ والله سالفه عوييصه هي ووكعتي بيها. اني واكعه من زمان وماكله وحل ظلت على هي اروح اشوف ياسر خاف يريد شي. اكولج اني اليوم راح اطلع اروح الصديقتي للصالون مالتهه عدها شغل خاف يجن بنات بعد مااوصيج. اي من عيوني. رحت يم ياسر جان ديلعب بالبلي مالته كتله اتفقت ويا انهار اخابرها فيديو حتى تشوفها وتشوف اخوتك هو لمعت عيونه بالفرح وهز راسه وهو مبتسم حسيت اني هم فرحت الفرحه كتله تريد شوكت نخابرهم طلعت كلمة هسه بعفويه من ل**نه بعدهه خجل وكال كيفج كيفج منو؟ هاا كول كيفج ماما مراح تخسر شي ياسر هي كلمه كولي ماما كيفج ماما حبيبي يلا لعد راح اتصل بيهم هسه. اتصلت بانهار وحجوا ويا ياسر وهو فرحان ويحجي وي اخوته وهم ماناسينه كلش فرح بيهم. بعدها طلعت ام بنين و اجوي بنات اعرفهن اني وهن يعرفن شغلي. ام بنين عدهه غرفه مخصصتها كصالون مصغر بالبيت بيها كل الاشياء الخاصه بالجمال اشتغلت الهم ظليت للعصر وياهم ايد الهم وايد اروح اسوي شغله بالمطبخ او اراقب ياسر او اخليله اكل ياكل. اجت حنين من المدرسه وساعدتني بالبيت شويه خلصت شغل للبنات من صبغ وتسريح والخ و حاسبتهم وراحوا. للمغرب يله جتي ام بنين وظلينه نسولف كل وحده شنو صار وياها. وهيج مرت الايام اشتغل بالبيت وبدينه ندور على مكان حتى نأجره ونفتح صالون بس يا مكان نشوفه ويعجبنا يطلبون علينا ايجار مقدما وهوايه واحنه منكدر قررنا نجمع فلوس الايجار بالاول وبعدين ندور مكان. واني من داخلي مفرفحه على فرات كلش ممتحمله احس راح اتخبل كل ليله ابجي عليهِ واكعد عيوني مورمه. قررت اروح لمقر الحزب مالتهم بلكي اعرف عنه شي وتحديت كل الخوف من اهله لازم اواجه مخاوفي من اهله واروح اعرف عنه شي ممعقوله ابقى هيج. جانت ام بنين بيومها تريد تطلع كتلها اني هم اريد اطلع ديري بالج على نفسج لعد ماشي وانتِ هم بدلنا اني وياسر وطلعنا وصلنا للمنطقه الي بيها المقر مالتهم وكفت بالجهه الثانيه اشوف اكو حمايه يمه وعدهم سلاح حاولت افوت جوه بس شون اخاف مرايده شي بس اسأل عنه. بقيت اكثر من نص ساعه اراقب الباب بلكي يجي فرات بلكي المح خياله اشوفه عدل ومابي شي؟ ياسر كل شوي يباوعلي ونظرات التسائل والحيره واضحه على ملامحه. على هالوكفه والترقب طلع واحد من المقر عبر للجهه الي بيها اني واجه باتجاهي متت من خوف لزمت ايد ياسر ومشيت بس هو لحگ بينه وكال اوكفي وكفت وانداريت اله وبلعت ريگ ميته خوف كال شنو تردين صارلج شكد تراقبين المكان شنو عندج. معندي شي اخي اريد اروح احنا شفناج بالكاميرات انت لازم عندج شي! ! لا معندي والله لعد امشي ويايه للمقر يفتشوج وطلعي. اني معندي شي اخاف منه ومن كلي هيج كبل رحت ويا كلت بلكي اعرف شي عن فرات رحت وراه ودخلني مكان لتفتيش النساء فتشوني بنات وطلعت منه. بقيت واكفه اباوع للبنايه اريد بس اشم بيها ريحة حبيبي. بهاللحظه اجه واحد ثاني كال تعاي فوتي مااصدكت افووت بروحي شع الامل يمكن فرات شافني بالكاميرا ورادني جوه بلا تردد رحت وراه دخلت اني وياسر بايدي الرجال فتح الي الباب وفوتني للمكتب رمشت كلت يمكن فرات هنا بس مجاي اشم عطره فتحت عيوني صار بوجهي زياد امتعضت وتغيرت كل ملامحي. رمقتهُ بنظرةٍ عدائيةٍ كال ياهلا منو منورنا اليوم جنت ادور عليج تاليهه اجيتي برجليج النا. تفضلي كعدي. بقيت واكفه محتاره بداخلي الحقد والكره كله باتجاهه. كتله وين فرات ههه شلج بي فرات لاداري عنج ولايعرفج اصلا ليييش؟ ؟ فرات نساااج وخلص ورجع مرته وهسه همَ مرتاحين ليش تخربين حياتهم. اريده اشوفه واحجي ويا مراااح يعرفج ولاراح يصدگج لانه فقد الذاكره دنكت راسي انقهرت كلش بس ممصدكته فرات مستحيل ينساني. كام زياد من مكانه واجه يمي وقرب ياسر عليه وخله ايده على راسه كال هذا ابنج اي ماشاءالله رجاال. هسه مراح تكولي وين فرات. مممم لأ من رخصتك سحبت ياسر من يمه واريد اطلع صاح عليه نادين اللتفتت اله مخلي ايده بجيوبه ومبتسم ابتسامه ماكره ومبين عليه ِ الخبث كال خلي رقمج يم الموضفه عندي شغل وياج. هزيت راسي وطلعت. شفت اكو بنيه كاعده ع المكتب رحت يمها انطيتها الرقم وطلعت. ماادري ليش سويت هيج اني ردت استخدم زياد لحتى اوصل الفرات طلعت من المقر واني اتلفت تمنيت اشوف فرات شكد جنت عطشانه على شوفته وماارتويت. رجعت للبيت واني احس قلبي عطب واحترك ومااات مااصدك فرات ينساني مية فكرة اجت في بالي بين اصدك زياد وبين لا اذا لعد ليش فرات مااجه وسال عني متحملت. اريد ابجي واريد اصرخ بس مو كدام ياسر كتله اني داخله للحمام مو تطلع اومأ الي براسه بمعنى اي. دخلت للحمام وفتحت المي عليه خليت ايدي بحلگي وعضيتها حيييل وظليت اووون واتذكر كلام زياد فرات نساج فرات رجع مرته وعايش وياهه. لييييش مو اني زوجته الاولى مو اني الي نحرمت من كل حقوقي حتى بالطفل مستحييل يمكن فرات وبعد الي صار اله بسببي وبعد تهديد مرته. يمكن يريد يبتعد عن المشاكل واخير انتهت نزوتهُ بزواجنا وعافني واصلا ممهتم الي ابد الهيج مديسأل عني. وخرت ايدي من بين اسناني بيها اثر. سديت المي ولبست ملابسي وطلعت. ام بنين جانت واصله من كم دقيقه شفتها بالمطبخ دتخلي علاليك مسواك. شاف*ني انصدمت ياا شبيج عيونج حمر جنج طالعه من عزاا خليت ايدي على حلكي وشهگت شهكة ألم وجع يمكن مرض وموت مااشهك بيها هيجي. كعدت بالارض وظليت ابجي اجتي كعدت يمي. شبيج شبيج سمعتي خبر عن فرات؟ ؟ هاا خو ما ميت. ببجي كلت فرات نساني ورجع المرته منو كلج اخو كلي غير تشوفين بعينج ميحتاج اشوف بعيني ميحتاج كل شي واضح نزوه وخلصت تركنييييي. كافي لاتأذين نفسج احمدي الله وشكري خلصتي منه هي شونها حياتج ويا ميفيدج حياتي كافي لاتأذين نفسج هي شمسويه بيدج. راح اموووت والله مااصدك احبه موبيدي مااريد كل شي بينه ينتهي هيج مااريد. دخل ياسر من شفته سكتت هو بقى صافن عليه باوعلي وطلع. كليلي ام بنين منين اتلكاهه من عمار الي اذا لكانه شراح يسوي لو من منوو والله تعبت اريد اكول للدنيا كاافي ستوووب اني بعد مااتحمل وجعج شجلبتي شوفيلج غيري معندج غيري. لا تهتمين العمار ميكدر يسوي شي وفرات اتطلكي منه وعيشي حياتج. بقيت صافنه وافكر بكلامها عيشي حياتج؟ ؟!!! ليش هي الحياة ناطتني فرصه اعيشه اشو متوليتني صفعات مجاي ترحمني ولاجاي تاخذ استراحه حتى اني اتنفس. بقيت طول اليوم بدوامه مجاي استوعب شي عبالك عايشه بحلم وين الكاك فرات واحاجيك واعرف شصار الك ساعه احقد عليه وساعه اكول جذب كلام زياد جذب وساعه اكول لعد ليش عافني معقوله يتذكر مرته وميتذكرني؟ ؟!!! كلما ابرر اله ارجع بلحظه اكرها واحقد عليه واندب حضي العرفني بي وخلاني اعيش بهالعذاب. لليل دك تليفوني رقم غريب جاوبته الو منو اني زياد! !! يتبع

Free reading for new users

Scan code to download app

App Store Google Play

Facebookexpand_more