Kiera's P.O.V
Bigla akong naalimpungatan. Ang sama ng panaginip ko. Kinuha raw sa'kin ng mga Montevidad ang bata at iyak raw ako nang iyak. Mabilis kong hinagilap sa'kin tabi si Jai pero wala ito.
Agad akong bumaba ng kama at hinanap ang aking anak. Baka nagkatotoo ang panaginip ko, tiyak na magkakamatayan kami ng lalaki! Hinding-hindi nila makukuha sa'kin ang bata.
"Kasama ni Sir si Jai, ate," bungad sa'kin ni Mela sa may hagdanan.
"Saan? Bakit 'di mo ako ginising? Saan sila nagpunta?"
"Bibili lang po raw sila at babalik din agad," nagtatakang sagot niya. "Saka ate, binilinan po ako ng asawa niyo na..."
"Hindi ko siya asawa, Mela," pagdudugtong ko sa huling sabi niya.
Gulong-gulo na tumingin naman siya sa'kin at napakamot sa ulo. "E, ate, diba tinawag siyang daddy ni Jai? Akala ko.
