"ALAM mo ba, Shea, na kalat na kalat na sa buong campus ang ginawang pang-snob sa iyo ni Eldridge?" inporma sa kanya ni Shaira habang nasa bar sila. "My goodness, ha. Ang cold nga naman ng treatment niya, as in sa lahat. Kahit na sa tatlo niyang kaibigan."
Sumimsim uli si Shea sa kanyang baso na may lamang Lemon Juice. Biktima lang naman ako. Mali, salarin ako kung bakit siya ganoon.
"Hindi naman kayo nag-break. Ano ba talaga ang nangyari?" Usisa ni Margaux na namamapak ng sisig sa sizzling plate.
"Ng dahil sa isaw," simpleng sabi niya sa mga ito.
"Pardon?" anang dalawa.
"Noong isang araw kasi nakita niya ako sa isawan sa labas ng school. Sabi niya 'wag daw akong kumain noon. Nainis ako, favorite street food ko 'yon, eh. Nagkasagutan kami hanggang sa magalit na siya. Ayon iniwan niya
