DAHIL sa nangyari noong nakaraang araw kaya hanggang ngayon ay hindi pa rin siya pinapansin ni Eldridge. Hinayaan lang niya ito sa pang-snob nito sa kanya dahil sa ginawa niya rito ng ipakilala niya ito sa kanyang ina. Napangiti siya ng maalala ang tagpong iyon.
"Hindi na ba talaga kayo magbabalikan ni Eldridge?"
Napatingin siya kay Claudel. Himala at kinausap siya nito. Nginitian niya ito. "Concern ka?"
"Duh. You wish? Hindi!" umasim pa ang pagmumukha nito.
Nakangiti pa rin siya. "Ah. 'Wag kang mag-alala kasi kami na uli. Nakipagbalikan siya noong isang araw."
Natigilan ito sa narinig mula sa kanya. "S-Siya 'yung nakipagbalikan sa iyo?"
Tumango siya. "Yep."
"For sure may ginawa ka sa kanya kaya ka binalikan," nakaismid na bumalik ito sa loob ng kanilang room.
Natawa siya sa reaksi
