Sa mga sumunod na araw ay palaging maagang umaalis si Jayvee para pumasok sa opisina. Gabing-gabi na rin itong umuuwi kaya nakakatulog na lang siya nang mag-isa kakahintay dito.
Minsan ay hindi niya maiwasang malungkot at maiyak nang patago dahil pakiramdam niya ay nagbago na ito at ngayon ay iniiwasan na siya nito. Pero bakit? Hindi na ba siya mahal ni Jayvee? Ganon na lang ba kadaling nawala ang damdamin nito para sa kanya at parang tinangay lang ng hangin ang pagmamahal nito para sa kanya?
Minsan ay naiisip niya rin na ano kaya kung wag na lang nilang ituloy ang kasal nila? Mukhang hindi naman na iyon mahalaga kay Jayvee, kahit siya ay tila wala na rin ditong halaga!
Kaya nang gabing iyon, dahil sa sama ng loob niya ay kumuha siya ng alak sa wine cellar nito. Uminom siya para pamp
