“What kind of wedding do you like? Church wedding? Garden? Seaside?”
Napalingon siya kay Jayvee nang magtanong ito habang nagbibihis.
Nandito na sila ngayon sa kuwarto nila at dinala na rin dito ng mga kasambahay ang mga dalang gamit ni Jayvee.
Bago ito umalis noon ay nagbilin ito sa kanya na ito na rin ang magiging kuwarto niya, at tila sobrang excited pa ito habang sinasabi iyon noon sa kanya.
Pero ngayon, parang hindi man lang ito nasasabik sa kanya pagkatapos ng pitong araw nitong pagkawala. Hindi nangyari ang ini-expect niyang marubdob nitong halik at mahigpit na yakap mula rito sa pagbabalik nito. Bakit? Ano’ng nangyari at nagbago bigla si Jayvee? Bigla ay para lang siyang ordinaryong tao para rito.
“Kahit simple lang. Wala naman na akong mga kamag-anak. Ikaw, baka marami kang i
