Nasa dining area sila Warren at Warson. Sa kaliwang bahagi ng mesa nakapwesto ang inuupuan ng una habang katapat naman niya ang inuupuan ng kakambal. Nakahain sa mahabang mesa ang mga pagkain inihanda sa almusal nila ngayong umaga.
Tulala lamang si Warson at nakatingin lamang sa nakahaing pagkain. Hindi alintana na kasama niya ang kakambal na ngiting-ngiti naman habang nilalagyan ng pagkain ang sariling plato at hindi pa siya napapansin.
“Mabuti na lang at wala na dito sa mansyon si Tanda kaya hindi masisira ang umaga ko,” natutuwang litanya ni Warren saka tumusok ng jumbo hotdog at inilagay iyon sa kanyang plato.
Sa puntong iyon ay napansin na ni Warren ang pagiging tahimik ng kakambal kaya napatingin siya rito. Nangunot ang kanyang noo at nagsalubong ang dulo ng makapal na kilay niya
