Tinutulungan ni Warson si Warren na ayusin ang mga gamit nito dito sa loob ng kanyang kwarto. Kanina ay nilipat na dito ang kama nito na galing sa sarili nitong kwarto at isinama ang ilan pang mga gamit nito na nandoon.
“Mabuti na lang at malaki itong kwarto mo. Kasya pa ang kama ko at mga gamit kahit na may malaki kang bookshelf dito,” natutuwang aniya ni Warren saka tumingin sa malaking bookshelf ni Warson na punong-puno ng libro. Mahilig rin kasing magbasa ang kakambal.
“Bakit ba kasi nakikisiksik ka pa rito sa kwarto ko? May sarili ka namang kwarto, ‘di ba?” pagtatanong ni Warson. Wala na rin naman siyang nagawa kundi pumayag sa kagustuhan ng kakambal na ilipat ang mga gamit nito kanina.
Napangisi si Warren. “Sa gusto ko, eh. Bakit ba?” ngumingising tanong nito. “Saka okay nga ito,
