DALAWANG LINGGO ANG MATULING LUMIPAS
Sa bandang dulo at tagong parte ng isang restaurant, nakapwesto ang pandalawahang mesa na inookupa ngayon nila Warren at Mariel. Sa kanang bahagi nakalagay ang inuupuan ng una habang sa kaliwa naman ang pangalawa. Nailagay na ng waiter sa mesa nila ang mga inorder na pagkain kanina.
Nakatingin lamang sila sa isa’t-isa. Nababanaag ni Mariel sa mukha ni Warren ang lungkot at pagod at alam naman niya kung bakit. Ang mga nakalipas na araw ang siyang pinakamabigat para sa binata.
“Ayos ka lang ba?” pagtatanong ni Mariel na may bahid ng pag-aalala.
Ngumiti nang maliit si Warren. Nagbaba rin siya ng tingin pagkatapos at huminga nang malalim.
“Kailangang pilitin na maging ayos. Masakit pa rin sa akin hanggang ngayon ang mga nangyari pero kailangang magpaka
